۲۱ مایدا امکدار آرتیست فرقانه قاسیمووانین حیدر علیئو ساراییندا کنسرتی زامانی ماراقلی آنلار یاشانیب.

کولت. آذ خبر وئریر کی، سوندا صحنه‌یه قالخان خالق آرتیستی عالیم قاسیموو هامییا تشکور ائدیب، کنسرتین بیتدیینی اعلان ائدیب، تاماشاچیلارین گئده بیلجیینی دئییب و صمیمی اونسیتدن سونرا اوخوماغا باشلاییب.

البته، تاماشاچیلار عالیم قاسیمووون ایفاسینی سونادک دینله‌ییبلر.

سوسیال شبکه‌ده عالیم قاسیمووون اؤز حسابیندان یاییلان ویدئودان دا گؤرونور کی، خالق آرتیستی ایسپونتان اوخویور و ساده‌جه، قیزینین کنسرتیندن یاشادیغی خوشبختلیگی ایفاده ائدیر.

قید ائدک کی، فرقانه قاسیمووا بو کنسرتی آتاسینین ۶۰ ایللیک یوبیلیینه حصر ائتمیشدی.