«حیوان» فیلمی ایله کان فیلم فئستیوالیندا ایکینجیلیک الده ائد‌ن ارک قارداشلاری - بهمن و بهرام تبریزه قاییدیبلار.

آخار. آذ خبر وئریر کی، یئرلی اهالی مشهور اینجه صنعت خادیملرینی تبریز هاوا لیمانیندا آلقیشلارلا قارشیلاییب، لاکین شرقی آذربایجان ویلایتینین یئرلی مسئوللاری قارشیلانما مراسیمینه قاتیلماییب.

اؤتن گون تبریزین امام جمعه‌سی وظیفه‌سینه یئنی تعیین ائدیلمیش محمد علی هاشمی ده بو شهره گلیب. لاکین ارک قارداشلاریندان فرقلی اولاراق، اونون اوچون رسمی قارشیلانما مراسمی تشکیل اولونوب و مراسیمده بیر چوخ یئرلی مسئول ایشتیراک ائدیب. ایکی قارشیلانما مراسیمینین مقایسه‌سی ساکینلری ناراحات ائدیب.

قید ائدک کی، «حیوان» فیلمینده سرحدی کئچرک اؤلکدن چیخماق ایسته‌ین بیر کیشینین حکایه‌سیندن بحث ائدیلیر. فیلمده دیالوگ یوخدور.