بو گونلرده بیر گروپ آذربایجان یازاری دوشمن ایشغالیندان آزاد اولونموش جوجوق مرجانلی‌دا و هورادیز قصبه‌سینده اولوبلار. آذربایجان یازارلار کلوبونون و آذربایجان پرزیدنتی یانیندا غیری حکومت تشکیلاتلارینا دؤولت دستیی شوراسینین خطیله حیاتا کئچیریلن لاییحه‌نین کووردیناتورو، یازیچی ائلچین حسئین بیلی ایله سفر تصوراتینی بؤلوشدوک.

- ائلچین بی، وطنین غربتده قالان بیر پارچاسینا یاخین اولدونوز. سویداشلاریمیزلا، عسگرلریمیزله گؤروشدونوز. بو سفر هانسی ضرورتدن یاراندی؟

- جوجوق مرجانلی و هورادیز سفری «جانیمیز قاراباغ، یازیمیز قاراباغ» لاییحه‌سی چرچیوه‌سینده حیاتا کئچیریلدی. بو لاییحه آذربایجان یازارلار کلوبونا (آیاک) مخصوصدور و آر-نین پرزیدنتی یانیندا غیری حکومت تشکیلاتلارینا دؤولت دستیی شوراسینین خطیله حیاتا کئچیریلیر. بوندان اؤنجه یازارلاریمیز بیلسوار (جبراییل مجبوری کؤچکونلر شهرجیی)، آغدام، ترتر رایونلاریندا اولوبلار.

- بو سفر داها سامباللی ترکیبله یاددا قالدی.

- نماینده هیتینه آیب صدری، خالق یازی‌چیسی آنار، آذربایجان یازیچیلار بیرلییینین بیرینجی کاتیبی، خالق شاعری فیکرت قوجا، آغساققاللار شوراسینین صدری، خالق شاعری نریمان حسنزاده، بدیعی ترجومه و ادبی علاقه‌لر مرکزینین صدری، شاعر-ترجومه‌چی سلیم بابوللاوغلو، «۵۲۵-جی قزئت»این باش رداکتورو، یازیچی-پوبلیسیست رشاد مجید، «اولایلار» قزئتینین و عینی آدلی سایتین باش رئداکتورو یونس اوغوز، یازیچیلار بیرلییینین صدرینین موشاویری رائوف آصلانوو، یازیچیلار بیرلییینین حربی وطنپرورلیک سکتورونون رهبری، شاعر-بستکار شاهین موسی اوغلو و س. قاتیلمیشدی.

- هانسی مکانلارا باش چکدینیز؟

- یولوستو آپرل شهیدلرینین عابده‌سینی زیارت ائتدیک. سونرا دوشمن‌دن آزاد ائدیلمیش جوجوق مرجانلی‌دا شوشا مسجیدینین اوخشاری اولان دینی اوجاغا گئتدیک.

- ائلچین بی، چوخ تقدیرلاییق بیر سفردیر. لاییحه‌نین مقصدی کونکرت اولاراق نه ایدی؟

- لاییحه‌نین مقصدی جبهه بؤلگه‌سینده یاشایان اهالییه و کئشیک چکن حربچیلره سلاحلا قلمین بیر یئرده اولدوغونو عیانی نماییش ائتدیرمک ایدی. بو سفرلر زامانی اجتیمایتله، کؤچکونلرله بیر یئرده اولدوق، اونلارین دردلرینی، کدرلرینی بؤلوشدویوموزو نماییش ائتدیردیک. ۳۰۰-ا قدر کیتاب، بیر نئچه ده فیلم آپاردیق. همین کیتابلارین بیر قیسمی، ائلجه ده فیلملر قاراباغ محاربه‌سینین شهیدلری و قهرمانلاری هاقدایدی. یازیچیلاریمیز اؤز کیتابلارینی دا اوخوجولارا هدییه ائتدیلر.

- آذربایجان یازارلار کلوبونون یاخین زامانلاردا داها هانسی لاییحه‌لری وار؟

- قارشیدا بین الخالق لاییحه‌لریمیز وار. همین لاییحه‌لردن بیری آوروپا یازارلارینین جبهه بؤلگه‌لرینه سفرلرینین تشکیلی و عدالتلی سؤزوموزو دونیایا چاتدیرماق مقصدی داشیییر. جبهه و جبهه یانی بؤلگه‌لره سفرلریمیز ده متمادی اولاراق داوام ائد‌جک.

- ائلچین بی، اوزون ایللر یوردوندان-یوواسیندان اولموش اینسانلاریمیزلا گؤروشدونوز. یئرلی ساکینلر اوزون ایللرین آیریلیغیندان سونرا یورد-یووایا اویغونلاشا بیلیبمی؟

- منیم قناعتیمه گؤره اینسانلار تکجه آنادان یوخ، هم ده وطندن یتیم قالیر. بیولوژی آنانی قایتارماق چتیندیر، اما گنتیک آنامیزی، یعنی ایشغالدا اولان وطنیمیزی قایتارا بیلریک و بونا تلسملیگیک.

- بو سفردن قاباق بیلسوواردا مسکونلاشان کؤچکونلرله ده گؤروشونوز اولدو. یادداشینیزدا نلر قالدی؟

- بیلسوواردا مجبوری کؤچکون شهرجیینده اینسانلارین گؤزلرینده کدر گؤردوم. همین کدر او زامان یوخ اولاجاق کی، سویداشلاریمیز وطنلرینه قوووشاجاقلار. دوشمن چوخ مکرلیدیر. بیز سویداشلاریمیزا هئچ ندن چکینممیی، حاقین، عدالتین بیزیمله اولدوغونو دایم آشیلامالیییق: اؤز قلمیمیزله و اونلارلا جانلی تماسیمیزلا...