امین آغالاروو موسلوم ماقومایئوین «ماوی ابدی‌لیک» ماهنی‌سینی داهی موسیقیچینین ۷۵ ایللیینه حصر اولونموش کونسرتینده ایفا ائدرکن گؤز یاشلارینی ساخلایا بیلمه‌ییب. ماهنینی امین آغالاروولا بیرلیکده تامارا قوئردچیتلی، سرگئی وولچکوو، آلکساندر پانایوتوو دا ایفا ائدیبلر.

باشا دوشولندیر، امین همیشه مسلوم ماقومایئوه بؤیوک سوگی ایله یاناشیب. چونکی آغالاروولار ماقومایئولرله آرتیق ۳ نسیلدیر کی، دوستلوق ائدیرلر.

کولت. آذ آغالارووون «موسکوا-باکی» پورتالینا موصاحیبه‌سینی تقدیم ائدیر:

- موسلوم ماقومایئو اوچون داریخیرسینیز؟

- اونون اوچون چوخ داریخیرام. او، همیشه منیمله‌دیر: کونسئرتلریمده، یولدا، رپرتوار و ایستیل سئچیمیمده. اونون نمونه‌سی منی موسیقی خطی ایله آپاریر. هردن حیات یولداشی تامارا سینیاوسکایا ایله منه ائله گلیر کی، او، ایندی ده هانسیسا فورمادا ایشتیراک ائدیر، منی موسیقی خطی ایله آپاریر.

- ۳۵ ایللیینیزده تامارا سینیاوسکایا موسلوم ماقومایئوه رضا شاه پهلوینین وئردیی اوزویو سیزه هدییه ائتدی. سیز ایسه داها سونرا همین اوزویو «کروکوس سیتی هول»دا یئرلشن موسلوم ماقومایئوین خاطره موزئیینه باغیشلادینیز...

- بلی، اوزوک بوندان سونرا او موزی‌ده قالاجاق. حساب ائدیره‌م کی، موسلوم ماقومتوویچین میراثی بیر نؤع خالق مولکودیر. او اؤزونو اینسانلارا حصر ائل‌ییب. من ده دوشونوره‌م کی، بو دوغرودور. موزیه اونو گؤرمک ایسته‌یه‌ن هر بیر کس گلیب باخا، او جمله‌دن اونون اشیالارینا توخونا، اونلارا داها یاخین اولا، حس ائده بیلر. داهیلر همیشه اؤزلریندن داها چوخ دونیایا مخصوص اولورلار.

- اوشاقلارینیز موسلوم ماقومایئو باره‌سینده نسه بیلیرلر؟

- البته! بیلیرلر کی، او داهی آذربایجان موغننی‌سی و آتالارینین سئویملی ایفاچیسیدیر.

- نیه بیر قایدا اولاراق موسلوم ماقومئتوویچین رپرتواریندان دیگر ماهنیلار دئییل، یالنیز "محتشم ابدیلیک" ماهنی‌سینی ایفا ائدیرسینیز؟

- بعضی تماتیک کونسرتلرده من «قیزیل گونش شعالاری» ماهنی‌سی ایفا ائدیره‌م، هردن ایسه «منیم یولوم»او (مای وای). حساب ائدیره‌م کی، موسلوم ماقومایئوین بوتون رپرتوارینی ایستیثمار ائتمک اولماز. بونا گؤره ده «ماوی ابدیلیک» منیم سولو پروقرامیمدا تکدیر.