بو گون تورکییه‌نین مشهور روک، پوپ و معاصر تورک صنعتچی‌سی، تلویزییا آپاریجیسی باریش مانچونون دوغوم گونودور.

کولت. آذ خاطیرلادیر کی، او، ۱۹۴۳-جو ایلده ایستانبول‌دا دونیایا گلیب، ۱۹۹۹-جو ایلده ائله اورادا وفات ائدیب. تورکییه‌ده روک موسیقینین قاباقجیللاریندان ساییلان صنعتچینین، موسیقییه باشلانغیجی قالاتاسارای لیسئیین‌ده اولوب.

یازدیغی وصیعتین‌ده ایفاچی اؤلدویو گونده دئییل، دوغوم گونونده خاطیرلانماسینی ایسته‌ییب. عالی تحصیلینی بلژیکادا آلان مانچو ۲۰۰-دن چوخ بسته‌نین مؤلفیدیر. بو ماهنیلارین بیر حیصه‌سی سونرالار عرب، بولغار، آلمان، فرانسیز، یاپون، یونان و بیر سیرا دیللره ترجومه اولوناراق ایفا ائدیلیب. میلیونلارلا اینسانین قارداشی اولان باریش مانچونون «دونئن بوگونه»(۱۹۷۲) (سایان)، «یئنی بیر گون» (۱۹۷۹) (یاووز و بورچ پلاکچیلیک)، «۲۰ سانات ییلی دیسکو مانچو» (۱۹۸۰) (تورکوولا)، «دیمسین یاغلی بویا» (۱۹۸۶) (امره پلاکچیلیک) و س. آلبوملاری چیخیب.

او، وفات ائتمزدن اؤنجه عؤمرونون ۴۰ ایلینه حصر ائتدیی «۴۰-جی ایل» ماهنی‌سینی بسته‌له‌ییب، لاکین سؤزلرینی یازا بیلمه‌ییب. بو ماهنینین دا یئر آلدیغی «مانچولوژی» آلبومو ۱۹۹۹-جو ایلده یاییملانیب و ۲.۶ میلیون ساتیلاراق رکورد قیریب.