بعضی سؤزلرین منبع دیلده‌کی یازیلیشی اساس گؤتوروله‌رک، ک حرفی ایله یازیل­ما­سی مقصده اویغون ساییلیر (عسگر-عسکر، اسگیناس-اسکیناس، ایسگندر-ایسکندر، ایشگه‌نجه-ایشکه‌نجه و س).

آپا-نین خبرینه گؤره، بو باره‌ده آذربایجان میللی علملر آکادمییاسینین اورفوگرافییا کومیسییاسی و آذربایجان میللی علملر آکادمییاسی نسیمی آدینا دیلچیلیک اینستیتوتو طرفیندن حاضرلانان آذربایجان دیلینین اورفوگرافییا قایدالارینین لاییحه‌سینده قید اولونور.

لاییحه‌ده بیلدیریلیر کی، یوخاریداکی سؤزلر دیلیمیزده محض تلفظلرینه اساساً ایندیدک گ حرفی ایله یازیلیب. بئله کی، منبع دیلده یاناشی گلن کار سامیتلردن (سک، شک) ایکینجی‌سی (ک) تلفوظده جینگیلتیلشه‌رک، اونون جینگیلتیلی قارشیلیغینا (گ) کئچیب.

قید ائدک کی، آذربایجان دیلینین ۶۹ مادده‌دن عبارت اورفوگرافییا قایدالاری حاضیرلانیب. قایدالار اورفوگرافییا کمیسییاسینین ایجلاسیندا موذاکیره ائدیلدیکدن سونرا تصدیق اوچون ناضیرلر کابینتینه تقدیم ائدیله‌جک.