هیندیستان‌دا هیند کرالیچاسی ایله اؤلکه‌سینی فتح ائد‌ن موسلمان بیر حکمدار آراسیندا سئوگی موناسیبتلرینی عکس ائتدیره‌ن فیلم آرانی قاریشدیریب.

قاینارینفو. آذ خبر وئریر کی، "پادماواتی» آدلی فیلم سرت تهدیدلر و تهلوکه‌سیزلیک تدبیرلری آلتیندا یاییما باشلاییب.

فیلمین سناریسینده هیند کرالیچاسی هیندیستانین ان بؤیوک کاستالاریندان راجپوتون عضوودور. اما روجپوت قادینلاری فیلم یاییما باشلایارسا، اؤزلرینی یاندیراجاقلارینی آچیقلاییبلار.

فیلمین باش رول ایفاچیسی، آکتریسا دئپیکا پادوکونی اؤلوم تهدیدلری ایله اوز-اوز‌دیر. حتی اونو اؤلدوره‌نه بؤیوک مبلغده موکافات وعد اولونوب.

فیلمین چکیلیشلری زامانی دا یارادیجی قروپا و آکتیورلارا قارشی هوجوملار اولوب. حتی بعضی چکیلیش سئتلری لغو ائدیلمیش‌دی.

بعضی ایالت رهبرلری فیلمین یاییمینین دایاندیریلماسی اوچون محکمه‌لره مراجعت ائدیب. آنجاق یوکسک محاکه‌مه گوجئرات، راجاستان، مادهیا پرادئس و هاریانا ایالتلرینده فیلمین یاییمینا قویولموش قاداغانی لغو ائدیب.

قئید ائدک کی، ۱۴-جو عصرده‌کی حادثه‌لری عکس ائتدیره‌ن "پادماواتی» فیلمی دهلی سلطانی علاءالدین حلاجی طرفیندن یاساقلانماقدانسا، اؤزونو اؤلدورمیی سئچن جسور و گؤزل راجپوت کرالیچاسینین حیاتیندان بحث ائدیر. رژیسسور سانژای لیلا بانسالی فیلمین اساس کاراکترلری آراسیندا رومانتیک موناسیبتلر وارمیش کیمی تاریخی تحریف ائتمکده سوچلانیر.