۲۰۱۷.۰۹.۲۶، ۱۴:۴۴

آذربایجان‌دا کینو، تئاتر سوتونلارین‌دان بیری...

بنزرسیز آکتیور، ساده، صمیمی ضیالی...

سسی، آدی او قدر دوغمادی کی، یاراتدیغی اوبرازلار دا اؤزو قدر سئویلیر، اؤزو قدر دوغمادی.

خالق آرتیستی ۱۹۴۸-جی ایل مایین ۲۴-ده باکی‌دا آنادان اولوب. ۱۰-جو صینیف‌دن تئاتر درنیینه یازیلیب. ائله بو آددیمییلا دا حیاتینی صحنه‌یه باغلاییب. کهنه سووتسکی‌ده بؤیوین آکتیور ایلک دفعه ۱۹۶۶-جی ایلده «ایستینتاق داوام ائدیر" فیلمینده اوینادیغی سلیم اوبرازییلا فیلم دونیاسینا قده‌م قویوب.

۱ ایل سونرا والیدینلرینین ایجازه‌سی اولمادان آذربایجان دؤولت اینجه صنعت اینستیتوتونا سندلرینی وئریر. درام و کینو آکتیورلوغو فاکولته‌سینه قبول اولونور.

او، چوخ ساده‌دیر. خالقا بو قدر یاخین اولان بیر صنعتکار اینسانلارین ایلیکلرینه قدر ایشله‌یه‌ن اونودولماز اوبرازلار یاراتمالی ایدی و یاراتدی دا...

اؤزونه، گوجونه بلد اولان فواد پولادوو «منی مندن یاخشی تانییان یوخدور» - دئییر.

داها چوخ پاییز فصلینین وورغونو اولان آکتیور یارپاقلارین رنگارنگلیینی سئویر. اونون بو سئوگیسی اوینادیغی اوبرازلارین رنگارنگلیینده ده اؤزونو گؤستریر. ایلیاس افندیئوین «ماهنی داغلاردا قالدی» اثرینده رحمان، بختیار واهابزادنین «یاغیش‌دان سونرا» اثرین‌ده جیغاتای، «قریبه اوغلان» اثرین‌ده والئه، علی امیرلینین «شاه قاجار» اثرینده شاه قاجار، محمد سید اوردوبادینین «قیلینج و قلم»اثرینده نظامی و دیگر روللاری یوکسک سوییه‌ده ایفا ائدیب.

گوندمده اولماق، مطبوعاتدا گؤرونمک نامینه موصاحیبه وئرمیی سئومه‌یه‌ن فواد پولادوو «آد گونو»، «قایینانا»، «گوللله‌نمه تاخیره سالینیر» کیمی بیر چوخ ماراقلی ائکران ایشینده رول آلیب.

آکتیورون نئجه هرطرف‌لی شخصیت اولدوغونو اونون اوینادیغی اوبرازلاردا دا گؤرمک اولار. او، بعضا شاه قاجار کیمی زهملی، بعضا ده نظامی کیمی نورانی اولا بیلیر.

فواد پولادوو هر شئی‌دن اول صنعت عاشیقیدی. اؤزونون دئدیی کیمی: «صنعت‌ده دایانماق یوخدو. دایاندینسا، ییخیلاجاقسان. روحا حس اولونان شئی وار. ائل بیل، هانسیسا مرحله‌ده آنلاییرسان کی، چکیلمک لازیمدی. مثلاً، من ۲۵ یاشیندا دوشونوردوم کی، ۵۰ یاشین‌دا صحنه‌یه چیخماق اولارمی؟ یاش اؤتدو، هله ده صحنه‌ده‌یم».

فواد پولادوو مردلیگی، محکه‌ملیگی، دوزگونلویو اؤزونده بیرلشدیره‌ن آزساییلی صنعت‌چیلریمیزدندی. او، دایم گنجلره دستک اولور. هم بیر اوستاد، هم ده آغساق قال یول گؤستریر.

۱۹۸۷-جی ایلده خالق آرتیستی آدینا لاییق گؤرولن آکتیور داها سونرا بیر سیرا نومیناسییالارین قالیبی اولوب. فواد پولادوو «آکتریسا» فیلمین‌ده‌کی اوبرازینا گؤره ان یاخشی کیشی رولونون ایفاسی نومیناسییاسین‌دا قیزیل پری موکافاتینی آلیب.

تاماشاچی اوچون هر زامان سیرلر خزینه‌سی کیمی گؤرونه‌ن مشهور آکتیورون قورخوسو دا چوخ غریبه‌دی. او هئچ واخت یاتاق خسته‌سی اولماغی خیالیندان بئله کئچیرمک ایستمدیینی و بونون اؤزو اوچون ان بؤیوک درد اولاجاغینی بیلدیریر:

«آتام ۱۰ ایلده‌ن آرتیق یاتاق خسته‌سی اولوب. اونا آناملا من قوللوق ائلمیشیک. یاتاق خسته‌سی اولماق چتیندی... یاتاغا دوشمکدن قورخورام. کاش الله آپاراندا قفیل آپارا».

آکادمیک میللی درام تئاتریندا سون دفعه «موسیو ایبراهیم و قوران چیچیی» آدلی تاماشادا سهنه‌یه چیخان آکتیورون چیخیشی بؤیوک آنشلاقلا قارشی‌لانیر. بو آنشلاق ان یوکسک پیلله‌لری فتح ائد‌ن خاریزماتیک و بیر او قدر موتفکیر آکتیورا سئوگینین اصل گؤستریجیسیدی. بو سئوگی ایندییه قدر اینسانلارین قلبین‌ده یاشاییر و هئچ واخت اؤلمه‌یه‌جک.

آکتیورون تکجه روللاری دئییل، سسلندیردیی شعیرلر، قیراعتی ده سئویلیر.

حاضردا فواد پولادووون سس تلرین‌ده بدخاصه‌لی شیش اولماسی باره‌ده معلومات یاییلیب. هر کسی سئهرله‌یه‌ن اعجازکار سس... او بیزی سسینه حسرت‌می قویاجاق؟

خسته‌لیگی آرخادا قویوب یئنی‌دن صنه‌یه قایی‌دیجاقمی؟

قاییداجاق؟ آخی گئتمه‌ییب، گئتمه‌یه‌جک...

او، بونجا سئوگینین ابدیلیینده - قلبیمیزده‌دی.

و دایم یاشایاجاق...