بو ایل یانوارین ۱۰-دا وفات ائد‌ن تانینمیش آشیق وقار ماحمودوغلونون قوناق اولدوغو سون وئریلیشین ویدئوسو اوزه چیخیب.

کولت. آذ خبر وئریر کی، آشیق وقار اسپیس تی وی-ده یاییملانان «یئریمده‌یم» وئریلیشینده یانوارین ۶-دا قوناق اولوب. چینگیز احمدووون آپاریجیلیغی ایله کیفایت قدر یوکسک پشکارلیقلا چکیلن و مونتاژ ائدیلرک افیره حاضرلانان وئریلیش ایسه سون آندا یاییمدان قالدیریلیب.

بئله کی، وئریلیشین ۱۰ یانواردا افیره گئتمه‌سی نظرده توتولوبموش. آنجاق ۷ یانواردا اینفارکت دیاقنوزو ایله مرکزی گمروک هوسپیتالینا یئرلشدیریلن و ایکی گون رئانیماسییادا قالاندان سونرا دونیاسینی دییشن آشیق ووقارین دفن گونونه دوشدویو اوچون ایسپیس تی وی شن و یومورلا دولو وئریلیشین افیره گئتمه‌سینی مصلحت بیلمه‌ییب.

عائله‌سیندن وئریلن معلوماتا گؤره، ۱۰ یانواردا وئریلیشین پرودوسری تلفن آچاراق، یاییم راضیلیغی ایسته‌ییب. عائله‌سینین ده راضی اولمادیغی سببیندن وئریلیش یاییمدان قالدیریلیب.

آشیغین وفاتیندان بیر مدت سونرا ایسه اسپیس تو عائله‌سینین خواهیشی ایله سؤزوگئدن وئریلیشین ویدئوسونو اونلارا تقدیم ائدیب.

وئریلیش زامانی آشیق وقار ماحمودوغلو صنعت حاقیندا فیکیرلرینی، بیلگیلرینی بؤلوشوب و سئویله‌ن ایفالارینی سسلندیریب.

قید ائدک کی، آشیق وقار ماحمودوغلو ۱۹۷۰-جی ایل نویابرین ۳-ده شاماخیدا آنادان اولوب. شیروان آشیق موحیطینین اوستادلاریندان اولان آشیق محمود السگروغلونون ایلک اؤولادی ایدی.

شاماخی موسیقی کالجینی (قارمون صینفی) و آذربایجان دؤولت اینجه سنت اونیورسیتتینی بیتیرمیشدی. ۲۰۰۲-جی ایلدن – آتاسینین واختسیز وفاتیندان سونرا اونون سازینی یاشادیردی.

وقار ماحمودوغلو ۷ یانوار ۲۰۱۸-جی ایلده اینفارکت دیاقنوزو ایله مرکزی گمروک هوسپیتالینا یئرلشدیریلمیشدی. یانوارین ۱۰-دا هوسپیتالدا دونیاسینی دییشدی.