چینین خئبئی ویلایتین‌ده ۶۶۶ پیانودان عبارت آنسامبلین چیخیشی گینس اوچون یئنی رکورد معین ائدیب.

آخار. آذ خبر وئریر کی، ۸ اؤلکه‌نی تمثیل ائد‌ن پیانوچولار، او جمله‌دن پئشکار و هوسکار موسیقیچیلر، معلملر، طلبه‌لر، اوشاقلار و گؤزدن علیللر چین‌ده اصلاحاتلارین باشلاماسینین ۴۰-جی ایلدؤنومونه حصر اولونان کونسرتده ۶۶۶ پیانو ایفا ائدیبلر. اوچیان قصبه‌سینده تشکیل اولونان کونسرت زامانی پیانولارین ۴۰-ی قوراشدیریلمیش صحنه‌ده، قالانلاری ایسه میدان‌دا یئرلشدیریلیب. آنسامبلداکی پیانولارین عمومی دیری ۵۰ میلیون یوان (۷،۳ میلیون آمریکا دلاری) اولوب.

قید ائدک کی، بون‌دان اوولکی رکورد ۲۰۰۷-جی ایلده جنوبی کورئیادا ۵۵۵ پیانونون ایشتیراکی ایله قیده آلینمیش‌دی.