آنا صحیفه کولت |
پادار تورک-آذربایجان منشألی ائتنوتوپونیمیدیر. پادارلار اوغوز-سلجوق طایفالاریندان بیریدیر. آکادمیک مئششانینوو آذربایجاندا پادار اویکونومینین چوخ قدیم تاریخه مالیک اولوب، پاتاری (شهر آدی) اویکونومینی ایله باغلی اولدوغونو گؤسترمیشدیر.
تاریخچی احمد زکی ولیدی توغان "آذربایجان" آدلی کیتاباندا پادارلار حاقیندا یازیر: "…موختلیف یئرلردهکی پادار طایفاسینا عایید مسکنلر دقتی جلب ائدیر. هر ایکی قبیله (سولدوز و پادار-ا. چ.) بو اراضییه گلدیکدن سونرا تورپاغا باغلانمیشدیر. پادار اون اویغور طایفاسینین بیریدیر.
تدقیقاتچی ائتنوگراف ممدحسن ولیلی (باهارلی) دا پادارلاری ان مشهور اوغوز طایفالاریندان بیری کیمی تقدیم ائدیر و گؤستریردی کی، "۱۳-جو عصرین اورتالاریندا، ایراندا حاکمیت مغوللاردان اولان هولاکولارا کئچدیکده، هولاکو ایراندا اؤز مؤوقعینی محکملتمک اوچون ۲۰۰ مین تورک عائلهسینی کؤچوروب، ایراندا اوتورتموشدو (مسکونلاشدیریلمیشدی). او عائلهلر بیر مدتدن سونرا آذربایجانا کؤچدولر. بو تورکلر قایی آدلانان خصوصی تورک طایفاسیدیر. آغ هونلارین اؤولادلاری حساب اولونورلار، اوللر غربی تورکوستاندا یاشاییردیلار. قایی تورکلرینین مشهور قبیلهلری بونلار ایدی: قاچار، افشار، زولقدر، چوبان، باهارلی، پادار، اوستاجالی، لک، خلیلی، سورسور، شفق، اوسالی، زنگهنه، آرمالی و غیریلری". صفویلر دؤورونده-۱۶-جی-۱۷-جی عصرلرده شیمالی آذربایجانا گلهرک مسکونلاشمیشلار. «پادار»–ایکی حیصهدن عبارتدیر: «پاد» و «ار.» «پاد» (بات-پات-پاد) -«بهادر، ایگید، محکم، متین، جسور، دؤیوشچو» ، «آر» (ار) ایسه - «ایگید، کیشی» دئمکدیر. «پادار»- «ار کیشی، ایقید دؤیوشچو» آنلامیندادیر. دوچی، آغسو، قوبادلی، صابیرآباد، خاچماز، حاجی قبول رایونلاریندا دا عینی آدلی کندلر وار.
شاهسوهن طایفا اتفاقیندا موهوم رول اوینایان پادارلار سونرالار معین اجتماعی- اقتصادی حادثهلرله علاقدار موختلیف اراضیلره سپلنمیشدیلر. ۱۸-جی عصرده جواد قزاسیندا یاشایان پادارلارین ایلخیچی، قاراچؤروکلو، آختاچی، پؤلوکلو، کویولچو و س. تیرهلریندن، عمومیتله ۲۰ تیره و ۲۱۸ عائلهدن عبارت اولماسی حاقیندا معلومات مؤوجوددور.
کندین اهالیسی حیواندارلیق ، تاخیلچیلیق و تروزچیلیکله مشغولدور. کندده اورتا مکتب، اوشاق باغچاسی، کلوب، کیتابخانا، پوچت، ۲۶۹ یئرلیک الکترون مخابرات، خسته خانا، تیجارت، ایاشه و معیشت خیدمتی اوبیئکتلری فعالیت گؤستریر. ۱۹-جو عصرین بیرینجی یاریسیندا یاشاییب یاراتمیش، آذربایجان یازیلی ادبیاتیندا آشیق شعرینین گؤرکملی نمایندهلریندن بیری اولموش عبدالله پادارلی پادار کندینین یئتیرمهسیدیر.
تاریخ
2019.02.01 / 15:21
|
مولف
آیتاج آراز
|