آنا صحیفه کولت |
گونئی آذربایجانینین اردبیل شهرینده دمیر دؤورونه عایید ۵۰۰ یاخین داشدان یونولموش کیشی و قادین فیگورلاری آشکار ائدیلیب.
Axar.az خبر وئریر کی، فیگورلارین هئچ بیریسینین آغزی یوخدور و اونلار بیر-بیرینینه یاخین حصار فورماسیندا دوزولوبلر. بعضی فیگورلارین بئلینده قیلینج و خنجرلر، کمرلر تصویر اولونوب. توف داشیندان یونولموش بو فیقورلارین هوندورلویو ۳۰ سانتیمتر - ۲ متر ۵۰ سانتیمتر آراسیندا دییشیر. قافقاز آلبانییاسی دؤورونه عایید بونا اوخشار بیر نئچه فیگور شیمالی آذربایجاندا دا تاپیلیبدیر.
فیگورلارین اطرافیندا باشقا یئرلردن گتیریلمیش نادیر داشلارین و کئرامیکا قیرینتیلارینین تاپیلماسی بورادا واختی ایله معبد و قوربانگاهین اولماسینی احتیمال ائتمهیه اساس وئریر.
معبدین داش دؤشهمهسی وار، لاکین واختی ایله تاوانین اولوب-اولماماسی معلوم دئییل. احتیمال اولونور کی، مبد تخمیناً میلاددان اول ۸-جی عصرده قونشو خالقلارین دینی معبدلرینی داغیتماغا مئیللی اولان آسورییا یاخود اورارتو قوشونلارینین یوروشو زامانی زیان چکمیشدیر و تدریجاً اؤز اهمیتینی ایتیریبدیر.
شهر یئری آدلانان بو منطقه اردبیل ویلایتینین مئشکین شهریندن ۳۲ کیلومترلیک مسافهده یئرلشهن پیرازمیان کندینین یاخینلیغیندادیر.
فیگورلارین اطرافیندا باشقا یئرلردن گتیریلمیش نادیر داشلارین و کئرامیکا قیرینتیلارینین تاپیلماسی بورادا واختی ایله معبد و قوربانگاهین اولماسینی احتیمال ائتمهیه اساس وئریر.
پ. س. عینی مزار داشلاری قاراباغین آغدره و آغدام رایونلاریندا دا وار ایدی. سونونجو فوتولار آغدام و آغدره رایونونداکی قبریستانلیقدا چکیلیب.
منبع: پروف. دؤکتور فرید علکبرلینین آراشدیرمالاری
تاریخ
2019.02.02 / 10:55
|
مولف
آینورا مممدووا
|