خالقیمیزین زنگین ادبیاتی،فولکلور نومونه‌لری واردیر. کلاسسیک ادبیات‌دان علاوه شیفاهی خالق ادبیاتیمیز دا اینکیشاف ائتمیش‌دیر. مثلاً،کند تصروفاتی ایله علاقدار هولاوارلار، سایاچی سؤزلری شیفاهی خالق ادبیاتینین موهوم حیصه‌سینی احاطه ائدیر.

آتالار،سؤزلری، مثللر، تاپماجالار دا خالقین محصولو اولان ادبی نومونه‌لردیر. طبیعی کی،بورا خالق اویون تاماشالاری،خالق ماهنیلاری دا داخیل‌دیر. میللی موسیقیمیزین اساس تمللری آشیق صنعتی و موغاملاریمیزدیر کی،بو گون ده بو ساحه‌لره گؤستریله‌ن خصوصی دقت نتیجه‌سین‌ده اونلار اینکیشاف ائتمیش‌دیر.

موغاملار و آشیق صنعتی اساسین‌دا دا خالق ماهنیلاریمیز،زنگین موسیقی نؤوعلریمیز فورمالاشمیش‌دیر. موسیقی وارسا، رقصلر ده واردیر دئمک. شوبهه‌سیزدیر کی، رقصلریمیزین شاهی دئدیک‌ده یال‌لی نظرده توتولور. قوبوستان قایاوستو تصویرلردن گونوموزدک گلن بو رقص خالقیمیزین مدنیتینین موهوم پارچاسی‌دیر.

مدنیتیمیزی دونیایا تانیدان ان واجیب عنصورلردن بیری ده معمارلیق نمونه‌لریمیزدیر. هم شرقی، هم ده غربی اؤزونده بیرلشدیره‌ن معمارلیق صنعتیمیز اؤلکه‌میزی دونیادا داها دا تانیتمیش و توریستلری جلب ائتمیی باجارمیشدیر. معمارلیق نومونه‌لری ایله یاناشی رسم، هیکلتراش‌لیق کیمی معنوی مدنیت نومونه‌لری هر زامان دقت مرکزین‌ده‌دیر. اینجه صنعتیمیز دایم اینکیشاف ائتدیین‌دن تئاتر و کینو صنعتی ده تئز بیر زامان‌دا خالقیمیز طرفین‌دن قبول ائدیله‌رک سئویلمه‌یه باشلامیش‌دیر.