علیشیر نواینین هئرات خطات‌لیق مکتبینین نماینده‌سی علی هیجرانی طرفین‌دن اوزو کؤچوروله‌ن «کلیاتی»نین رنگلی الکترون نوسخه‌سی فرانسا میللی کیتابخاناسیندان اؤزبکیستانا گتیریلیب.

Axar.az خبر وئریر کی، اؤزبکیستان مدنی ارثی تدقیقات مرکزینین دیرکتورو رویک باهادوروو ژورنالیستلره دئییب کی، ایندیدک اؤزبکیستانا مخصوص بیر چوخ الیازما، مینیاتور، بزک اشیالاری، موسیقی آلتلری و فوتوشکیللر اوزه چیخاریلیب.

بو مدنی ارث نمونه‌لری آراسیندا امام بوخارینین، امام ترمزینین، ابو ریحان بیرونینین، ابن سینانین الیازمالاری دا وار. علیشیر نواینین «سئچیلمیش اثرلری»، «اوشاقلیغین معجزه‌لری»، «فرهاد و شیرین»، «سئچیلمیش دیوان» اثرلرینین رنگ‌لی الکترون نوسخه‌لری ده اؤزبکیستانا گتیریلیب.