کئچمیش عصرلرده، انسان‌لار و اون‌لارین ایلگی‌لری تکجه بیر چرچیوه ده(کالبد) یئرله شیردی، تکجه دولت! و انسان‌لار ایسه تکجه بو کالبدون ایچینده آنلاملانیردیلار(تعریف می شدند) و بوتونلوکله اونا باغلی ایدیلر. مثال اوچون، پلوتاریخ ده گلیب کی، آگریپا، رومون شوالیه‌سی(نجیب زاده)، او زامان‌کی ایسته‌ییر قضبلی(عصبانی) اکینچی‌لری ایناندیرسین کی اون‌لار سناتورلارین حاکمیتینه قارشی اولمامالیدیرلار، دئییر: بیر بدن کیمی؛ وکیل‌لر و مصلحت چی‌لر دوشونجه قوه‌سی، چاپارلار(پیغامرسانان) عصب‌لری و اکینجی‌لر اونون معده‌سی سایلیرلار!

توماس آکویناس دا دئییر: انسان و دؤلتین ایلگیسی، اکسیک(ناقص) و بوتون(کامل) دئمک دیر. آنجاق مسیحیتین اورتایا چیخماسی ایله باغلی، بیر سیرا قاورام‌لار(مفهوم) اؤز آنلاملارینی الدن وئردیلر. بونلاردان بیری، فردین بو کالبدون ایچینده اولان رولودور(نقش). بیر مسیحی فرد، اؤزونو بیر کالبددا یوخ، بلکه ایکی کالبد دا گؤروردو؛ کلیسا و مدنی توپلوم. مدرنیته‌نین ان قیمتلی سونوجو، فردیتین گئنیشلنمه‌سی دیر. او زامان کی بیر فرد اونا تعیین اولونان رول‌لار یئرینه، اؤز یارادیجیلیق(خلاقیت) و استعدادایله، اؤز حیاتینین جیلوونو(افسار) الینه آلیر. فردیت چیلیک(فردگرایی) اؤنجه مذهب چرچیوه سینده اوزه چیخیر و آدینی "وجدان" قویور. بو اوزدن، داها بو جانلی و چالیشقان انسانا بیر کالبدون یاردیمجی‌سی گؤزونده باخماق امکانسیز اولور، اونلار کسینلیکله بو کالبدون(دولت) وطن داشلاری(تبعه و شهروند) ساییلیردیلار، آنجاق اؤز خصوصی یاشام‌لاریدا وار ایدی. بو سون سوز توپلومسال چالیشمالارا دولت تکجه بیر چتر اولا بیلردی. اول‌لر ارسطو انسانی بیر سیاسی حیوان آدلاندیرمیشدی، آنجاق ۱۳-نجو یوز ایلده آکویناس انسانی بیر سیاسی و "توپلومسال" موجود آدلاندیردی. بو اوزدن توپلوم(جامعه) دولتین ایچیندن یارانیب و اؤز آنلامینی اوندان آییردی.