گونئی آذربایجان‌لیلارین ان.تی (آزنیوز تلویزییاسی) اؤزل مئدیا قورومو ایونون ۱-دن فعالیته باشلایاجاق.

کولت. آذ خبر وئریر کی، اساساً، ایران‌داکی گونده‌م حادثه‌لری یایماغی هدفله‌یه‌ن تلویزییا پئیک، وئب-سایت، سوسیال شبکه‌لر واسطه‌سیله ایزلییجیلره دونیادا باش وئرن ان سون خبرلری و معلوماتلاری دا تقدیم ائد‌جک.

وئریلیشلر ایسوئچین ایستوکهلم شهرین‌دن یاییملانسا دا، کانالین پروگراملارینی دونیانین موختلیف اؤلکه‌لرینده یاشایان مخبیر و ژورنالیستلر حاضیرلاییر.

نن.تی-نین تلویزییا پروگراملاری «یاهسات» پیکین‌دن ۱۱۹۰۰ اوفوقلوک‌ده و http://www.aznews.tv سایتین‌دا یاییم‌لاناجاق.

پورتال آذربایجان‌لی ایزلییجی آودیتورییاسینین موختلیف قروپلارینین، خصوصیله ده گنجلرین اینفورماسییا احتیاجلارینی اؤد‌مک اوچون یارادیلیب. مقصد اؤلکه‌ده دموکراتیک دیرلری یایماق، دقیق و اوبیکتیو معلوماتلاری پئشه کارجاسینا چاتدیرماقدیر.

آن.ت-نین وب-سایتی اوخوجولارا سیاسی، اینجه صنعت، تاریخ، علم و تکنولوگییا، ایدمان، اقتصادیات، حقوق و اطراف موحیط داخیل اولماقلا، آیری-آیری بؤلمه‌لرده ان سون خبرلر، حساباتلار و تحلیللر تقدیم ائد‌جک.