بعضی یئمک نؤولری واردیر کی، اونلار بیر نئچه اؤلکه اراضی‌سین‌ده مشهور خؤرک ساییلیر. اونلاردان بیری ده کلکوش یئمیی‌دیر.

آخار. آذ کلکوشون رسپتینی تقدیم ائدیر:

ارزاقلار

۴ پورسییا اوچون نظرده توتولوب

۳ ایستکان یاغ‌لی قاتیق

۱ ½ خؤرک قاشیغی اون

۱ یومورتا

۳ ایستکان سویوق سو

۱ خؤرک قاشیغی یویولموش و سوزولموش یومرو دویو

½ ایستکان خیردا دوغرانمیش قوز

۲ دیش ازیلمیش ساریمساق

۱ ½ خؤرک قاشیغی قورو نانه

۲ خؤرک قاشیغی بیتکی و یا کره یاغی

۱ اورتا باش خیردا دوغرانمیش سوغان

دوز، زؤوقه گؤره

ایستیوت، زؤوقه گؤره

حاضرلانما قای‌داسی

۱. بیر کاسادا قاتیغی، اونو، یومورتا و سویو یاخشیجا قاریش‌دیرین. سونرا ایسه اوزرینه دویونو، قوزو، ساریمساغی، و قورو نانه‌نی علاوه ائدین و یئنه قاریشدیرین.

۳. بیر قازاندا یاغی قیزدیرین و سوغانی علاوه ائدیب تخمیناً ۶-۷ دقیقه قیزاردین.

۴. قاتیق‌لی قاریشیغی سوغانین اوزرینه علاوه ائدین و تاختا قاشیقلا آرا وئرمه‌دن قاریش‌دیراراق اورتا اوددا تخمیناً ۲۰ دقیقه مدتین‌ده و یا دویو یوموشالانا قدر بیشیرین. کنارا چکین و اوزرینه زؤوقه گؤره دوز و ایستیوت علاوه ائدیب قاریشدیرین. سوفره‌یه ایستی-ایستی وئرین.