"آذربایجان تلویزییا و رادیو وئریلیشلری» قاپالی سهم‌دار جمعیتی‌نین "آزربایجان تله فیلم" یارادیجی‌لیق بیرلیگی یئنی بدیعی تلویزییا فیلمی‌نین چکیلیشلرینی باشا ووراراق تحویل وئریب.

آخار. آذ-ین معلوماتینا گؤره، «سون گئجه» آدلانان فیلم آذربایجانین داهی شاعری نسیمی‌یه حصر اولونوب. «نسیمی ایلی» چرچیوه‌سین‌ده عرصه‌یه گلن فیلم نسیمی‌نین زیندان‌دا – اعدام‌دان اول سون گئجه‌سین‌دن بحث ائدیر. فیلم رسول رضانین عینی آدلی پوئماسی اساسین‌دا چکیلیب. فیلم‌ده ماراقلی فاکتلاردان بیری اوچ فرقلی آذربایجان شاعری‌نین – نسیمی، میرزه الکبر صابیر و رسول رضا اوبرازلاری‌نین عینی صحنه‌ده، عینی کادردا لئنته آلینماسی‌دیر. فیلمین قورولوش‌چو رئژیسسورو خالق آرتیستی رامیز حسن اوغلو و ناظیم مممدوو، قورولوش‌چو اوپئراتور امکدار مدنیت ایشچی‌سی ائلدار مممدوودور. قورولوش‌چو رسسام رفائل علی‌زاده، گریم رسسامی ایسه ائلبروس واحیدوودور. نسیمی رولونا امکدار آرتیست ائلشن روستموو چکیلیب. فیلم‌ده امکدار آریست ویدادی علیئو، آکتیور ووسال مورتوزلیئو و باشقالاری دا چکیلیبلر. سسئناری مؤلفلری ایسه آفاق واصیفقیزی و پروین‌دیر.

فیلم سئنتیابر آیین‌دان اکرانا چیخاجاق.