تورکییه «نئتفلیخ» پلاتفورماسی اوچون عثمانلی تاریخین‌دن بحث ائد‌ن «رایس اوف امپیرس: اوتتومان» ("ایمپرییالارین چیچکله‌نمه‌سی: عثمانلی ایمپرییاسی») سندلی سئریال ایستحصال ائدیب.

آخار. آذ تورکییه مطبوعاتینا ایستینادلا خبر وئریر کی، فاتیح سلطان محمتین حیاتی و ایستانبولون فتحی حاقین‌دا چکیله‌ن سندلی سئریال‌دا اساس روللاری توبا بویوک‌اوستون، جئم ییگیت اوزوم‌اوغلو، سلیم بایراکتار، بیرکان سوکوللو و باشقا آکتیورلار ایفا ائدیب. یئری گلمیشکن، «گیم اوف ته ترونس» سئریالین‌دان تانینان چارلز دنس ده اکران ایشینین بیر سئرییاسین‌دا رول آلیب.

«نئتفلیخ»ده نوماییش اولوناجاق اینترنت سئریالینین یاییم تاریخی بللی اولوب. سئریال یانوارین ۲۴-ده نماییشه داخیل اولاجاق.

قید ائدک کی، ۶ بؤلوملوک سندلی سئریالی حاضرلایان ۲ شیرکتدن بیری، رژیسور و آکتیورلارین بؤیوک اکثریتی تورک اولسا دا، آدیچکیله‌ن لاییحه «نئتفلیخ» ده آمریکا سئریالی کیمی تقدیم اولونوب.