امیر نیظام ائوی و یا قاجار موزئیی — قاجار تورک شاهلیق سلاله‌سی دؤورونده تبریزین شئشگیلان محله‌سین‌ده تیکیلمیش تاریخی بینالاردان بیری‌دیر. بینا نصرالدین شاه قاجارین دؤورون‌ده و امیر نیظام گروسینین خیدمتی زامانی تیکیلمیش‌دیر. بینادا حاضردا قاجار موزئیی فعالیت گؤستریر.

بینا نطرالدین شاه قاجارین حاکمیتی دؤورون‌ده امیر نیظام گروسینین خیدمتی زامانی تیکیلمیش‌دیر. تاریخی منبع‌لره اساساً بینا تیکیلدیی دؤوردن قاجارلار دؤورونون سونونادک آذربایجان ایالتینین والی‌لیک بیناسی کیمی ایستیفاده ائدیلمیش‌دیر. اوزون مدت تعمیر اولونان بینا تعمیردن سونرا قاجار موزئیی کیمی فعالیت گؤسترمه‌یه باشلاییب. قاجار موزئیینین تبریزده آچیلماسینا سبب تبریز شهرینین دار السلطنه (سلطان‌لیق دیوانی) اولماسی و تهران‌دان سونرا ان اؤنملی شهری اولماسی‌دیر. قاجار سلاله‌سینین باشلانغیجین‌دان و عباس میرزا ولیعهد اولان زامان‌دان بری تبریز شهری ولیعهدلرین ایقامتگاهی ایدی. بینانین اراضی‌سی ۱۵۰۰ م.²-دیر و ایکی مرتبه‌له‌دیری. ایچری‌سین‌ده حوضلار و فوواره‌لر اولان ایکی ایچ و خاریجی حیطه مالیک‌دیر. بینانین ایوانینی ۱۶ سوتون ساخلاییر.

بیرینجی مرتبه‌نین گالئرئیاسین‌دا پول، تیکیش، چینی، شوشه، مئتاللار و موسیقی یه عایید ائکسپاناتلار ساخلانیلیر.
یئرآلتی مرتبه‌نین گالئرئیاسین‌دا ایسه داش، سلاح، سرکرده‌لر و پاشالار و معمارلیق و شهرسالمایا عایید اکسپوناتلار قورونور.