"تبریز-توران" تلگرام کانالین‌دا تورکییه الیفباسین‌دا اولمایان حریفلره آذربایجان‌لی دیلچی عالیم فیریدون آغاسیوغلونون فیکیرلری یاییملانیب.

کولت. آذ همین فیکیرلری تقدیم ائدیر:

"۱۹۹۱-ده ایستانبول‌دا اولان "اورتاق تورک الیفباسی" سیمپوزیوموندا تورک اؤلکه‌لریندن گلن تانینمیش تورکولوقلار بیرلیکده تورکییه‌ده ایشله‌نه‌ن الیفبانی دا ایچینه آلان ۳۴ حرفلی اورتاق الیفبانی قبول ائتدیک. تورکییه عالیملری ده سؤز وئردی کی، الیفبالارین‌دا چاتیشمایان ۳ حرفی علاوه ائد‌جکلر، بوگونه‌جه‌ن ائده بیلمه‌ییبلر. او واخت من پارلامنت‌ده کومیسییا صدری کیمی بو اورتاق الفبانی چتین‌لیکله اولسا دا، ضیالیلارین کمکیله قبول ائتدیره بیلدیم. آنجاق ا، خ، ق حرفلرینی گوجله کئچیره بیلدیم، ñ (ساغیر نون) حرفینه‌سه گوجوم چاتمادی. عربدن لاتینا، سونرا کیریله کئچنده بو ایشاره‌نی الیفبادان یانلیش اولاراق چیخارمیشدیلار. بوتون تورک خالقلارینین دیلینده و الیفباسین‌دا اولان بو حرفی تورکییه و آذربایجان‌دا یازیدان چیخارماق بؤیوک سهودیر. بو ندنله، دیلچیلیک اینستیتونون رهبرلییندن خواهیش ائدیره‌م کی، ñ سسینین گراماتیک یوکو و ایشلندیی سؤزلر اوزرینده آراشدیرما آپاریب، اونو ایجتیماعیلشدیرسینلر. پارلامنته ده مراجعت ائدک بو حرفی الیفبایا علاوه ائتسین. بو تورک خالقلارینین اورتاق یازی قایدالاری اوچون چوخ اؤنملیدیر".