اولی بورادا

کولت. آذ آذربایجانین گؤرکه‌م‌لی یازی‌چی‌سی فرمان کریمزادنین " تبریز ناموسو" آدلی تاریخی رومانینی تقدیم ائدیر:

کؤچور‌ن آینوره مممدووا

امیر چوبان «دارول-ایرشاد»آ گیریب، شئیخین یاخین آداملارین‌دان بیرینی اونون یانینا گؤندردی. حادثه‌دن خبردار اولان شئیخ اونو کیچیک بیر هوجره‌ده قارشیلادی. یئره سالینمیش قیرمیزی خالچانین اوستون‌ده رهل واردی، رهله بیر کیتاب قویولموش‌دو. شئیخ آغ چالمالی، آغ ساققال‌لی، اورتا بوی‌لو آدام اولوب، آغ خیرقه‌ده آیاق اوستون‌ده دایانیب، اونون گلیشینی گؤزلییردی. امیر چوبان ایچری گیریب، اونونلا گؤروش‌دو، اوزون بارماق‌لی، آغ دری‌لی علینین اوستون‌دن اؤپوب، بو علی گؤزلری اوستونه قوی‌دو. شئیخ عقل‌لی گؤزلرینی چوبانین سیفتینه دیک‌دی:

-اللهین بو مقامینا چوخ شوکور، - دئدی:

-شوکور.

-من آیری خبر ائشیتمیشدیم. – چوبانین اؤلدورولمه‌سی خبری اونا دا چاتمیش‌دی و اؤزو اونون یاس مج‌لی‌سین‌ده اوتورماق اوچون ۴۰ گونلوک حاضرلیق گؤرمیی ده تاپشیرمیش‌دی. بودور، اونون اؤزو گلیب.

-دئ گؤروم، یانین‌دا آداملارین وارمی؟

-موریدیمیز حسن، بیر ده باجیم اوغلو قارا بی.

شئیخ کؤمک‌چیلرینی چاغیریب، آدلاری چکیله‌نلری خلوت بیر یئرده یئربیئر ائلمیی تاپشیردی، داها هئچ کیمله گؤروشمیجیینی بیلدیریب، امیر چوبانلا دیز-دیزه اوتوردو:

-دئ گؤروم، نه اولوب؟

-هؤکمدارلا مئهریبانجاسینا آیریلیب، شیروانا، اؤزبک خانلا دؤیوشه گئتمیشه‌م. اورادا فراری‌لیک ائل‌یه‌ن امیرلری جزالاندیرمیشام. بو دا منیم حاقیم.

-ائله بو؟

-بلی. مورشی‌دی- کامیلیم،

شئیخ خئی‌لی فیکره گئت‌دی:

-باشی بلالی وطنیمیزین دردلری چوخ‌دور. اللها آجیق گئتمه‌سین، آذربایجانی ائله زنگین، ائله گؤزل یارادیب کی، هان‌سی دوشمه‌ن دیشینی ایتیلییرسه، بورا جومور. نعمتلریمیزی یئییب، دویماق بیلمیرلر. آلتمیش ایلده‌ن چوخ‌دور کی، چینگیز خان اؤولادلارینین تاپداغی اولدوق. ایندی-ایندی اؤزوموزه گلیریک، ایچیمیزده بیر نفر یئتیشیب، عرصه‌یه چاتیب، او، طایفهلاریمیزین، وطنین دردینه ملهه‌م اولا بیلر، اونو دا کؤکون‌دن بالتالاییب یاخماق ایستییریک. کیم باشا دوشورسه، دوشونه‌ن باشلاری کسیب، آتماق ایستییریک. اؤزوموزه رقیب اولاجاق آداملاریمیزدان تئز یاخا قورتارماغا چالیشیریق. نه ایدی قوجا فزلوللاهین گوناهی؟

داوامی وار