آنا صحیفه کولت |
شرقی روما ایمپئرییاسینین پایتاختی کونستانتینوپولون ۱۴۵۳-جو ایل مایین ۲۹-دا عثمانلی سلطانی ۲-جی مئهمئت طرفیندن فتح ائدیلمهسیندن ۵۶۷ ایل اؤتور.
آخار. آذ خبر وئریر کی، ایستانبولون فتحینین ایلدؤنومو موناسیبتیله شهرین آیاصوفیا موزئیینده فتیح سورهسی اوخوناجاق، گمیلرین ایستانبول بوغازیندا «حؤرمت کئچیدی» و خصوصی کونسرت پروقرامی تشکیل اولوناجاق. اوخچولار وقفینده «فتیح» کوبوکو اوغروندا یاریش کئچیریلهجک.
تدبیرلرده تورکییه پرزیدنتی رجب طیب اردوغان تلهکنفرانس واسطهسیله ایشتیراک ائدجک.
ایستانبولون فتحینین تاریخچهسینه گلدیکده ایسه، بیزانس ایمپئرییاسینین پایتاختی اولان شهر ۱۴۵۳-جو ایل آپرئلین ۶-دان مایین ۲۹-دک داوام ائدن محاصرهنین نتیجهسینده فتح ائدیلیب. بو فتح عثمانلی ایمپئرییاسینین یارانماسینا، بیزانس ایمپئرییاسینین ایسه تاریخ سهنهسیندن سیلینمهسینه سبب اولوب. ایستانبول فتح ائدیلدیکدن سونرا بؤلگهدهکی دینج اهالی تامامیله سربست بوراخیلیب کی، بو دا سلطانین اهالی آراسیندا نفوذونو آرتیریب.
شهرین ایستانبول آدلاندیریلماسی ایله باغلی فرقلی وئرسییالار مؤوجوددور. بعضی منبعلره گؤره، ۱۴۵۳-جو ایلدهن اول ده بیزانسلیلار شهره ایستیمبولی، تورکلر ایسه ایستانبول دئییردی. ایستانبول بوغازی ایسه بیزانسلیلار آراسیندا هئللاسپونت، تورکلر آراسیندا ایسه بوغاز اولاراق آدلاندیریلیردی. عثمانلی هؤکمدارلاری شهر اوچون آد سئچمهیهرک، سادهجه، "ایسلام شهری" معناسینی بیلدیرهن "ایسلامبول" آدینی قبول ائدیبلر. تورکییه رئسپوبلیکاسی قورولدوقدان سونرا ایسه شهر رسمی اولاراق ایستانبول آدلاندیریلیب.
۲۰۱۹-جو ایلدکی سون حسابلامالارا گؤره، حاضردا ایستانبولدا فرقلی دین، دیل و ایرقه منصوب ۱۵ میلیوندان چوخ اینسان یاشاییر.
تاریخ
2020.05.29 / 18:12
|
مولف
Axar.az
|