بو گون معاصر آذربایجان ادبیاتینین ان پارلاق سیمالارین‌دان اولان، خالق شاعری بختیار واهابزادنین دوغوم گونودور.

Kult.az خبر وئریر کی، او، ۱۶ آوگوست ۱۹۲۵-جی ایلده شکی شهرینده فهله عائله‌سینده آنادان اولوب.

۱۹۳۴-جو ایلده اونون عائله‌سی باکییا کؤچوب. بورادا اورتا مکتبی قورتاران‌دان سونرا آدو-نون فیلولوگییا فاکولته‌سینده تحصیل آلیب.

بؤیوک سؤز اوستاسی خالقیمیزین یوز ایللر بویو تشکل تاپمیش یوکسک میللی-معنوی دیرلرینین قورونماسی، عادت-عنعنه‌لریمیزین یاشادیلماسی نامینه آلتمیش ایلده‌ن آرتیق بیر مدت عرضین‌ده یورولمادان یازیب، یارادیب.

بختیار واهابزاده ادبی و علمی یارادیجیلیغی پئداقوژی فعالیتله اوغورلا علاقه‌لندیره‌رک، اوزون ایللر باکی دولت اونیورسیتتینین پروفسورو کیمی آذربایجاندا یوکسک ایختیصاصلی کادرلارین حاضرلانماسینا تهفه‌لر وئریب.

او، ۱۹۸۰-جی ایلده آذربایجان میللی علملر آکادمییاسینین مخبیر عضوو سئچیلیب. ۲۰۰۰-جی ایلده‌ن ایسه آکادمیانین حقیقی عضوو اولوب.

یئتمیشدن چوخ شعیر کیتابی ایله بؤیوک اوخوجو سئوگیسی قازانان واهاب‌زاده ۲ مونوگرافییانین، ۱۱ علمی پوبلیسیست کیتابین و یوزلرله مقاله‌نین مؤلفی اولاراق اصل عالیم کیمی اؤز سؤزونو دئییب.

حاقسیزلیغا، عدالتسیزلییه قارشی عصیان ائد‌ن گؤرکملی سؤز اوستاسی هله اؤتن عصرین ۶۰-جی ایللریندن اؤلکه‌میزده سوت ایمپرییاسینا قارشی میللی آزادلیق حرکاتینین اؤنجوللریندن بیری اولوب. ۱۹۵۹-جو ایلده یازدیغی "گلستان" پویماسی ایله ایکی یئره پارچالانمیش آذربایجانین تاریخی فاجعه‌سینی دیله گتیره‌رک، ایمپرییا پنجه‌سی آلتیندا اینله‌یه‌ن آذربایجان خالقینین آزادلیق و ایستیقلال اوغورون‌داکی عدالتلی مباریزه‌سینه قوشولوب.

بختیار واهاب‌زاده یارادیجیلیغین‌دا باش موضوع‌لاردان بیری ده آنا دیلیدیر. اونون قطعی قناعتینه گؤره، دیل خالقین وارلیغینین نیشانه‌لریندن بیری اولوب، اونون ان قیمتلی ثروتی‌دیر، اوسته‌لیک نسیللر سیلسیله‌سینی بیرلشدیرن، بابالارین وصیتینی نوه‌لره چاتدیران قدرت‌لی تربییه واسطه‌سیدیر.

شاعر ۲۰ یانوار فاجعه‌سی ایله باغلی قلمه آلدیغی "شهیدلر" پویماسی ایله یئنی بیر تاریخ یازیب.
بؤیوک صنعتکار ۲۰۰۹-جو ایل فورال آیینین ۱۳-ده، ۸۳ یاشیندا اوزون سورن خسته‌لیک‌دن سونرا باکی‌دا وفات ائدیب.