بو گون محمدعلی شاه دیکتاتوراسینا قارشی مشروطه انقلابینین اساس لیدرلریندن اولان، خالق قهرمانی ستار خانین آنیم گونودور.

Kult.az خبر وئریر کی، او، ۲۰ اوکتیابر ۱۸۶۶-جی ایلده گونئی آذربایجانین قاراداغ ویلایتینین مممدخان‌لی (ایندیکی مینجیوان) ماحالیندا کندلی عائله‌سینده آنادان اولوب.

اونون مرکزی حاکمیته قارشی مبارزه‌سی گنج یاشلاریندان باشلاییب.

ستار خان و قارداشی شاه رژیمینه قارشی مبارزه آپاران انقلابچیلاردان بیرینی گیزلتدیکلرینه گؤره حبس ائدیلیب، قارداشی اسماعیل اعدام ائدیلیب.

بو، اونون مرکزی حاکمیته قارشی داها باریشماز مؤقعده اولماسینی اساسلاندیران عامل اولوب.

حاکمیته قارشی فعالیت گؤسترن ستار خان ۱۸۸۸-جی ایلده یئنیدن حبس اولوناراق اردبیلده یئرلشن نارین قالا حبسخاناسینا کؤچورولوب.

ایکی ایل حبسده اولدوقدان سونرا اورادا تانیش اولدوغو شخصین کمک‌لییی ایله حبسدن قاچیب و بیر مدت شاهسئون طایفالاری ایله بیرگه یاشاییب.

۱۹۰۵-جی ایلده ایران‌دا و گونئی آذربایجان‌دا باش قالدیرمیش انقلابی حرکات ستارا بؤیوک تأثیر گؤستریب. دؤیوشلرده گؤستردیی قهرمانلیق و باجاریغی اونا خالق ایچریسینده بؤیوک شهرت قازاندیریب.

انقلاب نتیجه‌سینده گونئی آذربایجان‌دا حاکمیتی اله آلمیش تبریز انجمنی ستاری خالق پلیسی‌نین کماندیرلریندن بیری تعیین ائدیب.

مرکزی حاکمیت اوردوسونون تبریزی محاصره‌یه آلدیغی دؤورده هامینین تسلیم اولماسینا باخمایاراق، ستار خان آز سایدا سلاحداشی ایله مقاومت گؤستریب.

او، قاجار شاهینا گؤندردیی اولتیماتومدا پارلامنتین برپا ائدیلمه‌سی، کونستیتوسییا آزادلیقلاری اوغروندا فعالیت گؤسترنلره آمنیستییا، خالقا سؤز، ییغین‌جاق و مطبوعات آزادلیغی وئریلمه‌سینی طلب ائدیب.

اونون ایراده‌سی نتیجه‌سینده، ۱۹۰۹-جو ایلین آپرلینده محمدعلی شاه قاجار ستار خانلا دانیشیقلارا باشلاماغا و قیسا مدت سونرا شاه کونستیتوسییانی برپا ائتمه‌یه مجبور اولوب.

۱۹۱۰-جو ایلین مارتین‌دا تهران حکومتی ستار خانلا باغیر خانی پایتختا دعوت ائدیب. ستار خان کیچیک بیر دسته ایله تهرانا یوللانیب.

خالق ستار خانی جوشقو ایله قارشیلاسا دا، ایرتجاع قوه‌لری و حکومت البیر اولاراق ستار خانا سوء-قصد حاضرلاییبلار.

آوگوستون ۷-ده حکومت قوشونلاری وعدلرینه دؤنوک چیخاراق تهرانین اتابک پارکین‌دا یئرلشن ستار خان و کیچیک فدایی دسته‌سینه قفیل هجوم ائدیر، اونلاری ترک سلاح ائدیبلر.

آتیشما زامانی آوروپالیلارین «ایرانین هانیبالی" آدلاندیردیغی ستار خان آغیر یارالانیر. او، ۱۹۱۴-جو ایل نویابرین ۱۶-دا دنیاسینی دییشیب.