یوخاری

ارمنیلر ائوینی یاندیردیلار، عائله عضولرینین هامی‌سینی ایتیردی :عباس صحت

آنا صحیفه کولت
12 Punto 14 Punto 16 Punto 18 Punto

بو گون آذربایجان ادبیاتینین گؤرکم‌لی نماینده‌سی شاعر، ترجمه‌چی عباس صحتین آنیم گونودور.

Kult.az بو مناسیبتله اونون حاقین‌دا ماراقلی فاکتلاری تقدیم ائدیر.

صحتین ۱۸۷۴-جو ایلده شاماخی‌دا دوغولدوغونو، آذربایجانین ایلک عالی تحصیل‌لی حکیملریندن بیری اولدوغونو، مکتبلیلر اوچون شعیر یازدیغینی و ۱۹۱۸-جی ایلده وبا خسته‌لیین‌دن دنیاسینی دییشدیینی بیلیریک. بس بو بؤیوک متفکرین هانسی شرایط‌ده اؤلدویوندن خبریمیز وارمی؟ اونون مزارینین یئرینی بیلیریکمی؟

عباس صحتین سووت دؤنه‌مینده یاییلان ترجمه‌ حالی یئنی‌دن یازیلمالیدیر.
عباس صحتین اؤلومونه سبب تک آجلیق، سفالت و وبا خسته‌لیگی دئییل، ۱۹۱۸-جی ایلده بولشویکلرین تؤرتدیکلری قتلیام ایدی.

ارمنیلرین ۱۹۱۸-جی ایلده باکی‌دا تؤرتدیکلری قیرغینلار شاماخی‌دا تکرارلاندی، ۷ مین دینج اینسان قتله یئتیریلدی. بو قانلی قیرغینلار زمانی عباس صحتین ائوینه ده اود وورولدو. شاعر الیازمالارینی بئله گؤتورمه‌یه مجال تاپمادی. عائله‌سی ایله بیرگه گنجه‌یه طرف اوز توتدو. قانا سوسامیش ارمنی-بولشئویک سلاحلیلاری اونلاری یاخالادیلار، امانتلرینی، آزوقه‌لرینی اللریندن آلدیلار.

بو باره‌ده هادی‌نین "آذربایجان" قزئتینین ۱۹۱۸-جی ایل ۱۸ نیابر تاریخ‌لی سایین‌دا درج اولونان "صحتین افولی-ابدی‌سی" مقاله‌سینده یازیلیب.
هادی شاعرین ۱۹۱۸-جی ایلده ارمنیلرین تؤرتدیکلری سویقیریمین قربانی اولدوغونو دا دقیق‌لییی ایله قئید ائدیر.

ارمنیلرین ظلموندن سونرا پسیخولوژی گرگینلیک کئچیره‌ن، سفالت و یوخسوللوغا دوچار اولان عباس صحت ۴۴ یاشین‌دا دنیاسینی دییشیر.

آغلاماقدان گؤزونون نورونو ایتیرمیش شاعرین آتاسی گنجه‌نین سبیسکار قبیریستانلیغین‌دا، - اوغلونون قبرینی زیارت ائد‌ن زمان چوخورا ییخیلیر، تأسف کی، اونون کمکینه گلن اولمور، ائله قویوداجا جانینی تاپشیریر، دیگر عائله عضولری ایسه وبادان اؤلورلر.

صحتین اؤلوم سببی کیمی مزاری دا اوزون مدت نامعلوم قالیر.

نهایت، ایللر سونرا ادبیات شناس-عالیم سعیدزاده شاعرین مزارینین آختاریشینا چیخیر. صحتی یاخیندان تانییان عائله‌لره باش چکیر. مارت سویقیریمیندان سونرا گنجه‌یه کؤچه‌ن، شاعرله دوست اولان شاماخیلی طراحین اوغلو نجف قولو اونون دفن اولوندوغو یئری عالیمه گؤستریر...

ا.سعیدزادنین رهبرلییی، اجتماعی تشکیلاتلارین یاردیمی ایله همین یئره مزار داشی قویولور.

۱۹۴۷-جی ایلده اونون مزاری گنجه‌نین ساحل باغینا کؤچورولور، شاعره بوست قویولور.

تاریخ
2024.07.11 / 13:14
مولف
اسماعیلووا سوزانا
شرح لر
دیگر خبرلر

سئوگی حاقیندا ۵ ان گؤزل رومان

ایران "نظامی بین‌الخالق فوندو" یاراتدی

فیلملریمی تورک دیلینده چکه‌جه‌یم - گونئیلی رژیسور

آذربایجان‌دا نشر اولونان کیتاب ایران‌دا ناراحاتلیق یاراتدی

سئوگی حاقیندا ۵ ان گؤزل رومان

قزوینین اوچ طبیعی اثری قئیدیاتا آلیندی

شوشادا نوبتی واقیف پویزییا گونلری باشلادی - فوتو

جئک سرچه - اسلامی و تورکلویو قبول ائد‌ن مشهور قولدور

تبریزده داها بیر تاریخی عابده محو اولماق اوزره‌دیر

آذرین بوزقورد اشاره‌سی توتدو، اردوغان آلقیشلادی - ویدئو

خبر خطّی
Axar.az'da reklam Bağla
Reklam
Bize yazin Bağla