بو یازیدا مودا (مد) و گئییم تاریخی ایله علاقهلی ماراقلی فاکتلار بارهده معلومات وئرجییک. بیر چوخ گوندهلیک اشیالاریمیزین بیلمدییمیز، گؤزلنیلمز بیر تاریخچهسی وار.
Kult.az مودانین تاریخی ایله باغلی بعضی ماراقلی فاکتلاری تقدیم ائدیر.
کؤینک، پنجک قوللاریندا دویمهلر
قوللاردا دویمهلرین نیه لازیم اولدوغونو هئچ دوشونموسونوز؟ دویمهلر ایلک دفعه ۱-جی پیوترون خصوصی بیر سرانجامی ایله تیکیلمهیه باشلانیلیب. وطنداشلارین گئییملرین قولوندان یئمکدن سونرا بورونلارینی و آغیزلارینی سیلمک اوچون استفاده ائتمهسی روس چارینی چوخ عصبلشدیریردی. اونلار بو وردیشله مباریزه آپارماقدان یورولموشدولار، سوندا ۱-جی پیوتر بئله بیر حیلهیه ال آتدی.
هانسی گئییملر وینتاژ طرزی ساییلیر؟
وینتاژ گئییم طرزی جدی شکیلده دیگرلریندن فرقلنیر. وینتاژ طرزی- قدیم گئییملره یئنی حیات وئرهرک یارادیلمیش ماراقلی بیر اوسلوبدور. یالنیز ۱۹۲۰-۱۹۶۰-جی ایللرده حاضرلانان گئییملر وینتاژ ساییلا بیلر. اوندان داها اولکی گئییملر رترو اوسلوب حساب ائدیلیر. وینتاژ گئییملر اوریگینال اولمالیدیر و عایید اولدوغو اون ایللیین خصوصیتلرینی اؤزونده عکس ائتدیرمهلیدیر.
ان قدیم گئییم المنتی
انجیر یارپاقلارینی نظره آلماساق، گونوموزه قدر گلن ایلک گئییم المنتی اتکدیر. قدیم مصرده هم کیشیلر، هم ده قادینلار اتک گئیینیردیلر. سونرادان ائتیک تفکرون دییشمهسی سببیندن اتک تدریجاً یالنیز قادینلارین قاردروبونا عایید اولماغا باشلادی.
برمود شورتلاری
بو شورتلارین ۲۰-جی عصرین ۳۰-جو ایللرینده برموددا موجود اولان قاداغایا گؤره یاراندیغینا دایر افسانهلر وار. اورادا قادینلارا اومبالارینی خالقا گؤسترمهلری قاداغان ائدیلمیشدی. بونا گؤره اختراچی قادینلار عادی شورتلاری سادهجه اوزاتدیلار. دیگر بیر منبعده ایسه گؤستریلیر کی، برمود شورتلاری ایلک دفعه حربی فورمانین بیر حیصهسی کیمی اینگیلیس مستملکه قوشونلاریندا میدانا چیخیب. اونلار ایستی اؤلکهلرده گئیینیلمک اوچون حاضرلانمیشدی. برمود آدالاری دا بؤیوک بریتانییانین مستملکهسی اولدوغوندان اورادا گئنیش یاییلدی.
اوشاق گئییملری
غریبه اولسا دا، ۲۰۰ ایل اول "اوشاق گئییملری" آنلاییشی یوخ ایمیش. اوشاقلار ان کیچیک اؤلچولرده یتکین پالتارلاری گئیینیردیلر. یتکین گئییملری اوشاقلار اوچون راحت دئییلدی، نتیجهده خصوصی اولاراق اوشاق گئییملرینه یؤنلمیش بیر مودا استقامتی اورتایا چیخدی.