اؤپوشون جانلاندیریلدیغی ایلک فیلم کینوسئورلری حیران ائتدی و بیر چوخ تنقیدچیلر طرفین‌دن ده آچیق شکیلده قیناندی.

Kult.az خبر وئریر کی، اکران‌داکی ایلک اؤپوش صحنه‌سی ۱۸۹۶-جی ایلین آپرلین‌ده نمایش ائتدیریلیب.
ایلک اؤپوس صحنه‌سی تاماشاچیلار طرفین‌دن بؤیوک غضب و قیناقلا قارشیلانمیش‌دی.

کانادالی آکتیور مئی ایروین دول جونس رولون‌دا و آمئریکالی آکتری‌سا جون رایس بیللی بیکس رولون‌دا چکیلمیشدی. قیسا متراژلی فیلمین بیرصحنه‌سینده آکتیور آکتریسانی یونگولجه اؤپور. هرچند بونا اؤپوش بئله دئمک اولمازدی.

آکتیورلار می ایروین و جون رایس صحنه‌ده دفعه‌لرله اؤپوشسه‌لر ده، او زمان تماشاچیلار اکران‌دا اؤپوشون بو جور تصویرلرینه حاضر دئییل‌دیلر. آغ-قارا قیسامتراژلی «اؤپوش» فیلمی نیوجرسی ایشتاتینین(ایالتی‌نین) وست اورانگ شهرینده نماییش ائتدیریلیب.

فیلمی گؤرنلر اونو شوک ائدیجی و ادبسیز کیمی قیمتلندیرمیشدیلر.

فیلم‌دن سونرا روما کاتولیک کیلسه‌سی سنزورا(سانسور) و اخلاقی اصلاحاتلارا چاغیریش ائتدی، چونکی اجتماعی یئرلرده اؤپوشمک هله او دؤورده بیر چوخ اینسانلار اوچون سون درجه تابو ساییلیردی.

او دؤورون بیر چوخ قزئت رئداکسییاسی «اؤپوش» فیلمینین نماییش اولوندوغو اراضیلرده پلیسین حرکته کئچمه‌سینی طلب ائدیردی. بو مباحثه‌لره و اجتماعیتین غضبینه باخمایاراق، فیلم شهرت قازان‌دی و ساتیش رکوردلاری قیردی.

باش رول اویون‌چولاری "اخلاقسیزلیغا" گؤره اؤلومله تهدید ائدیلن "اؤپوش" فیلمینین آدی ایلک اؤپوش صحنه‌سینه و کاسا (گیشه) گلیرلرینه گؤره، گینس رکوردلار کیتابینا داخل ائدیلدی.