آذربایجان‌دا ایلک دفعه چوخ‌سریالی تاریخی بدیعی تلویزیا فیلمی چکیللب.

Kult.az خبر وئریر کی، سریال ایکی مؤوسوم‌دن (فصل‌)عبارت اولاجاق، ایلک موسم «آتابی‌لر: شمس الدین ائلدنیز» آدلانیر.

مدنیت ناظرلیینین طرفداش‌لیغی ایله چکیله‌جک سریالین ایلک مؤوسومونون ۲۴ بؤلوم‌دن عبارت اولماسی نظرده توتولوب.

فیلم-لایحه‌ده آذربایجان آتابی‌لر دؤولتینین قوروجوسو شمس الدین ائلدنیز، مؤمنه خاتون، محمد جهان پهلوان، قیزیل آرسلان، نظامی گنجوی، نصرالدین توسی، معمار عجمی ناخچیوانی، سلطان سنجر، وزیر کمال‌الملک و باشقا شخصیتلرین اوبرازلاری تقدیم اولوناجاق.

سریال‌دا تاریخیمیزین ان شرف‌لی دؤورلرین‌دن بیری اولان ۱۲-۱۳-جو عصرلره مراجعت ائدیلمکله آذربایجان آتابی‌لرینین قوردوغو دولتین نهنگ سرحدلرینه دقت چکیله‌جک، همین دؤورون حربی-سیاسی و مدهنی ساحه‌لرینی تمثیل ائد‌ن دوهالارینین(داهی انسانلارین) اوبرازی یارادیلاجاق.

قونشو دؤولتلرله مناسبت فاکتورو، تاریخی فاکتلارین دقیق‌لیگی و اعتبارلی منبع‌لرین اوزه چیخاریلماسی اوچون آمئا-نین( آذربایجان میللی علم‌لر آکادمیاسی) تاریخ اینستیتوتون‌دا متخصصلردن عبارت ایشچی گروپ یارادیلیب.

چوخ‌سریالی تئلئویزییا فیلمینین چکیلیشی تورکیه‌ده و اؤلکه‌میزده فعالیت گؤسته‌رن پئشه‌کار کینو ایشچیلرین‌دن فورمالاش‌دیریلان یئنی پروداکشن «شاهداغفیلم»-ه حواله اولونوب.

بون‌دان باشقا، اورتا عصرلرین دیل اوسلوبو، ادبی موحیطی، سوسیال-مدنی حیاتی باره‌ده جدی آراش‌دیرمالار آپاریلیر. سسناریو گروپو ۶۰۰ مین سؤزلوک تاریخی منبع‌لره مراجعت ائدیب، مؤوجود اولموش اوزانلار، ادبی مجلس‌لر، دیوانلار باره‌ده ماتئریاللار و مودریک کلاملار توپلانیلیب.

نظامی گنجوی‌نین «خمسه»سی محض همین دؤورله باغلی اولدوغون‌دان سنارینین اساس منبع‌لرین‌دن‌دیر. عینی زامان‌دا، محمدسعید اوردوبادی‌نین «قیلینج و قلم» رومانی، عیسی موغاننانین «گورون’’ رومانی، نریمان حسنزاده‌نین «آتابی‌لر» پوئماسی، یونس اوغوزون «شمس‌الدین ائلده‌نیز» رومانی همین دؤورو احاطه ائدیر.

سناری‌ده حشاشی‌لر و اونلارین سء قصدلری، خریستیان (مسیحی) میسسیونئرلرین فیتنه‌لری، دؤیوش صحنه‌لری، سارای اینتریقالاری ( فتنه‌لری )، مودهیش سئوگی حکایه‌لری، دینی-سیاسی ضدیتلر و دیگر مقاملار یئر آلیب.

«۱۲-جی عصرده شمس‌الین ائلدنیزین باش‌چی‌لیغی آلتیندا آذربایجان جغرافیاسیندا الده ائدیلن حربی-سیاسی اوغورلارین اکرانا داشینماسی سریالین اساس مقصدلرین‌دن بیری‌دیر.

بدیعی تلویزیا فیلمینین لایحه رهبری سرور بایرام‌اوو بیلدیریب کی، نؤوبتی موسم‌ده داها ۲۴ بؤلوم «توران یولونا دوغان گونش» آدی آلتین‌دا تقدیم اولوناجاق.

قید ائدک کی، سریانین چکیلیشلری تاماملانیب. سریال‌دا شمس‌الدین ائلدنیز اوبرازینی آذربایجان‌لی ایدمان‌چی ضابط صمد اوو جانلاندیریب.