فیلملرین پرده آرخاسیندا باش وئرن اولایلار همیشه ماراقلی اولوب و هئج ده هامیسی تماشاچیلارا چاتدیریلماییب.

Kult.az «کینوفاکت» روبریکاسیندا داها بیر ماراق‌لی فیلمین پرده آرخاسی باره‌ده معلومات وئریر.

هالیوودون ان پارلاق اولدوزلاریندان بیری، آکتیور انتونی هاپکینزین عائله‌سی «قوزولارین سس‌سیزلییی» فیلمینده جانلاندیردیغی مانیاک هاننیبال اوبرازینا گؤره داغیلیب.

«قوزولارین سس‌سیزلییی» فیلمینین چکیلیشلری زمانی انتونی هاپکینز دؤورون مشهور ایش آداملاریندان اولان مارتا استوارت ایله ائولی ایدی. فیلم اکرانلارا چیخانا قدر اونلار آراسیندا ایستی سئوگی مناسبتی وار ایدی. فیلم اکرانلارا چیخدیغی گوندن چوخ بؤیوک ماراقلا قارشیلاندی. بوتون مدیا هاننیبال‌دان، هاپکینزین رولونو چوخ ایناندیریجی اویناماسیندان یازیر، تعریفلر، خوش سؤزلر یاغدیریردیلار. لاکین فیلم بیر تک مارتادا عکس تأثیر اویاندیرمیشدی. او ارینین اوینادیغی هانیبال لکتر اوبرازیندان محکم قورخموشدو.

هاپکینزین بو رولو اویناماق اوچون ۲ آی پسیخیاتریک(تیمارستان) خسته‌خانادا قالاراق روحی خسته‌لرین داورانیش طرزینی مشاهده ائدیب. ۱۹۹۱-جی ایلده استحصال ائدیلمیش بو فیلم ۵ «اسکار» مکافاتی(جایزه‌سی) آلیب، ملی ارث کیمی آمریکا ملی فیلم آرخیوینده قورونور.