یاپون دنیزینین آلتین‌دا تاپیلان ۲۷ مترلیک پیرامیدا (هرم) تاریخی یئنی‌دن یازا بیلر.

Kult.az خبر وئیر کی، بو باره‌ده «New York Post»معلومات وئریب.

یاپونییانین ریوکیو آدالاری یاخینلیغیندا دنیز سویه‌سین‌دن تخمیناً ۲۵ متر آشاغی‌دا یئرلشن بو تیکیلی ۱۹۸۶-جی ایلده کشف ائدیلدیی گون‌دن علم آداملارینین دقت مرکزینده‌دیر.

۱۰۰۰۰ ایلده‌ن چوخ یاشی اولدوغو دئییلن بو بؤیوک داش قورولوش، بوجاقلی پیللکه‌نلری و دوز تراسلاری ایله غریبه بیر شکیل‌ده صنعی معبدین قالیقلارینا بنزییر. قدیم اولدوغو ثبوت اولونارسا، بو، مصر پیرامیدالاریندان و یا اینگیلتره‌ده‌کی ایستوونگدن مینلرله ایل اول تیکیلدیی آنلامینا گلیر.

بو دا اونو معلوم اولان ان قدیم انسان قورولوشو ائدیر.

«یاپونییانین آتلانتی‌داسی» آدلاندیریلان یوناقرون ایستروکتورو کند تصروفاتی دورونون گلیشیندن اول موجود اولموش و اونودولموش سیویلیزاسییانین ثبوتو اولا بیلر؛ ثبوت اولونارسا، انسان ناعیلیتلرینین موجود تاریخینی کؤکوندن دییشدیره‌جک بیر نظریه اولاجاق.

آتلانتیس ایلک دفعه پلاتونون اثرلرینده تقدیم ائتدیی افسانوی قیطعه‌نین آدی‌دیر. پلاتونون حکایه‌لرینه گؤره، آتلانتی‌دا اونون دؤوروندن تخمیناً ۹.۰۰۰ ایل اول (ایندیکی واختدان تخمیناً ۱۱.۰۰۰ ایل اول) آتلانتیک اوکیانین‌دا یئرلشن انکشاف ائتمیش و گوجلو بیر سیویلیزاسییا ایدی. ساکینلرینین فساد و معنوی تنزلو نتیجه‌سینده بو قیته بیر گئجه-گوندوز عرضینده تمامیله باتدی و سو آلتیندا قالدی.

طبیعی کی، بعضی اکسپرتلر بو نظریه ایله راضیلاشمیر و حساب ائدیرلر کی، اونو دستکله‌مک اوچون کفایت قدر دلیل یوخدور. مثلاً، آرخیولوق فلینت دیبل دئییر: «من چوخلو حیرت آمیز طبیعی شئیلر گؤرموشه‌م و بورادا انسان معمارلیغینی گؤسترن هئچ نه یوخ‌دور».

بو آرادا، ایتیریلمیش قدیم سیویلیزاسییالارا ماراغی ایله تانینان یازیچی گریم هانکوک، اونون تعبیرینجه دئسک، «عقل‌لی دیزاینی گؤسترن» اشاره‌لره اشاره ائدیر؛ اویولموش پیللکه‌نلر، ایری داشلار، تاغلار و حتی داش اوزرینده‌کی سیفته بنزه‌یه‌ن اویما…

"اگر بو، حقیقتاً ده ۱۰ ایلده‌ن چوخ اوله عاید سیرلی بیر سیویلیزاسییانین اثریدیرسه، بو تورکیه‌ده‌کی گؤکب‌لیک تپه‌سینه بنزر بیر کاتگوریایا یئرلشدیریلمه‌لیدیر؛ "ان قدیم صنعی تیکی‌لیلردن بیری ارامیزدان اول ۹۵۰-جی ایللره عایددیر."

یاپون آنتروپولوقو ماساکی کیمورا دا بو نظریه ایله راضیلاشیر و دئییر کی، ایستروکتور لموریا آدلی ایتیریلمیش قیطعه‌نین بیر حیصه‌سی اولا بیلر. او، اوللر بو قورولوشون ایکی ایله اوچ مین ایل اول تیکیلدیینی سؤیله‌دی؛ یعنی دنیز سوییه‌سی خیلی آشاغی اولاندا.