ارمنستان باش ناظری نیکول پاشنیان آذربایجانین ارمنستان کونستیتوسیاسینین دییشدیریلمه‌سی ایله باغلی نوبتی طلبینه راضی‌لیق وئریب.

Axar.az خبر وئریر کی، بو باره‌ده «هراپاراک» قزئتی معلومات یاییب.

نشر بیلدیریب کی، صحبت آذربایجان و تورکیه‌یه قارشی اراضی ادعالارینین یئر آلدیغی مستقیل‌لیک بیاننامه‌سینه استنادین ارمنستان کونستیتوسیاسین‌دان چیخاریلماسیندان گئدیر:

«بونو واشینگتن سازشینین بیرینجی بندی ثبوت ائدیر. اورادا بیلدیریلیر: «صلح مقاویله‌سی پارافلاندیقدان سونرا بیز سازشین امضالانماسی و یکون راتیفیکاسیاسی استقامتین‌ده گله‌جک فعالیتلرین داوام ائتدیریلمه‌سینین ضروریلیینی قبول ائتدیک و اؤلکه‌لریمیز آراسیندا صلحون قورونماسی و محکم‌لندیریلمه‌سینین واجیبلیینی وورغولادیق».

بو راضیلاشمادان سونرا باکی بیان ائلدی کی، پاشنیانا ائو تاپشیریغی وئریبلر: او، کونستیتوسیانی دییشمه‌لیدیر و صلح سازشی بوندان سونرا امضالاناجاق.

قید ائدک کی، کونستیتوسیا اصلاحاتی شوراسی اوزون فاصله‌دن سونرا هفته‌لر اؤنجه اجلاس کئچیریب. الده ائتدییمیز معلوماتا گؤره، شورا تئزلیکله یئنی کونستیتوسییانین متنینین حاضرلانماسی اوچون آکتیو شکیل‌ده اجلاسلار کئچیره‌جک».