آغ ائوده باش وئره‌نلر ساده‌جه لیدرلرین گؤروشو، یاخود تک آوروپا، آمریکا و اوکراینانین اشتراک ائتدیی سامیت یوخ، هم ده آزادلیق، دموکراتییا و اوکراینانین موجودلوغو اوغروندا مباریزه‌نین اساس مرحله‌سیدیر.

Axar.az خبر وئریر کی، بونو اوکراینانین اکس-پرزیدنتی، آوروپا همرای‌لییی پارتیاسینین صدری، ملت‌وکیلی پترو پوروشنکو عالی رادانین آوگوستون ۱۹-دا کئچیریلن اجلاسیندا بیلدیریب.

اونون سؤزلرینه گؤره، آوگوستون ۱۸-ده آوروپا، ناتو و اوکراینا ایله اولان بیرلیک غالیب گلدی:

"دنیا آیدین شکیلده باشا دوشمه‌لیدیر: اراضی گذشتلری تابودور. بو، بین‌الخالق حقوقون محوی‌دیر. من فخر ائدیره‌م کی، محض بو تریبونادان عالی رادا منیم اوکراینانین آوروپا بیرلییی و ناتو-یا استقامت‌لی کورسونون کونستیتوسییادا تثبیت ائدیلمه‌سی تکلیفی‌می دستکله‌دی. پوتینین هئچ واخت اوکراینا اوچون تالع یوکلو دییشیک‌لیکلره وتو قویماق حقوقو اولمایاجاق. بو، دولتیمیزین استراتژی کورسودور. آنجاق یاددا ساخلامالیییق: پوتینه تکجه دونباس یوخ، بوتون اوکراینا لازیم‌دیر. اونا گؤره ده اوردوموزون اختصارینی، روس دیلینه رسمی ایستاتوس وئریلمه‌سینی، روس کیلسه‌سینین «قورونماسی"نی طلب ائدیر".

پ. پوروشنکو قید ائدیب کی، اوکراینا دولتینین اساس وظیفه‌سی اوردونو، دیلی و اینامی قوروماقدیر:

"چونکی اونلار اوکراینا دولتچیلیینین اساسی‌دیر. اگر پوتین دایانماقدان امتنا ائدرسه، جواب «ب پلانی» اولمالیدیر: داها چوخ سلاح، داها چوخ مالیه یاردیمی، داها چوخ سانکسیالار، ناتو و آوروپا بیرلییینه آچیلان قاپیلار اولمالیدیر".

او، اوکراینا پرزیدنتینین عالی رادایا دعوت ائدیلمه‌سینی ضروری ساییب:

"بیز بیلملیییک کی، واشینگتن دانیشیقلاریندا نه باش وئردی و بوندان سونرا نئجه بیرلیک‌ده حرکت ائدجییک؟!"