تئهرانین عللامه اونیوئرسیته‌تینین طلبه‌سی و طلبه حرکاتی فعالی هستی امیری مجبوری حجابا و اعدام جزاسینین تطبیقینه اعتراض ائتدیینه گؤره، حبس و مادی جریمه جزاسینا محکوم ائدیلیب.

Axar.az خبر وئریر کی، بو حاق‌دا اونون اؤزو معلومات وئریب.

اونون سؤزلرینه گؤره، تهرانین انقیلاب محکمه‌سینین ۲۶-جی بؤلمه‌سی اونون باره‌سینده ۳ ایل حبس و ۵۳ میلیون تومن (۶۰۰ دوللار) جریمه جزاسی باره‌ده قرار چیخاریب.

خانیم طلبه، "اجتماعی رایی تحریک ائتمک اوچون یالان معلوماتلار یایماق" و "حکومته قارشی تبلیغات"دا گوناهلاندیریلیب.

بونونلا یاناشی حبس مدتی بیتدیکدن سونرا اونون ۲ ایل مدتینه اؤلکه‌دن چیخماسینا، تشکیلاتلارا عضو اولماسینا، اجتماعی فعالیتلرینه و سوسیال مئدیادان استیفاده‌سینه ده قاداغا قویولوب.

هستی امیری بوندان اول ده طلبه و قادینلارین حقوقلاری باره‌ده پایلاشیم و فعالیتلرینه گؤره جزالاندیریلیب.