تهران و ایروان ایکینجی نوردوز کؤرپوسونون تیکینتی‌سی باره‌ده راضیلیغا گلیبلر.

Axar.az خبر وئریر کی، بونو ایرانین یول و شهرسالما ناظری فرزانه صادق دئییب.

او قید ائدیب کی، یول ساحه‌سینده ایکی اؤلکه ایکینجی نوردوز کؤرپوسونون تیکینتی‌سی، موجود کؤرپونون یاخشیلاشدیریلماسی، ترمیناللارین نظاملانماسی و یوک ماشینلاری اوچون روسوملارین تنظیمله‌نمه‌سی ایله باغلی ایلکین راضیلیق الده ائدیبلر.

ناظر علاوه ائدیب کی، فارس کؤرفزی ایله قارا دنیزی دمیر یولو واسطه‌سیله بیرلشدیره‌جک ایستراتژی لایحه ایرلیلییر:

«ایران‌دا جلفا استقامتین‌ده دمیر یولو آرتیق موجوددور و اونون ناخچیوان‌دان ایروانا قدر داوام ائتدیریلمه‌سی تصدیقلنیب. بو دمیر یولو ایران، آذربایجان، ارمنستان و آوروپا آراسیندا ترانزیت‌ده مهم رول اوینایا بیلر»، – دئیه صادق قید ائدیب.