ونزوئلانین ویتسه‌پرزیدنتی دلسی رودریگس آمریکایا اؤلکه‌سینین ساحللریندن اوزاق دورماق باره‌ده خبردارلیق ائدیب.

Axar.az خبر وئریر کی، رودریگس واشینگتن آدمینیستراسیاسینا چاغیریش ائد‌رک بونلاری سؤیله‌ییب:

"پروبلملرینیزی اؤزونوز حل ائدین و بیزیم ساحللریمیزدن اوزاق اولون، ونسوئلا اراضی‌سیندن اوزاق اولون. آمریکا هجوم ائتمه‌یه جهد ائدرسه، ونسوئلا اونلارین ان پیس کابوسو اولاجاق".

آمریکانین ونزوئلانین نهنگ انرژی قایناقلارینی اله کئچیرمک نیتینده اولدوغونو ادعا ائد‌ن رودریگس، "آمریکا طبیعتی استیثمار ائد‌ن ایمپریالیست و اکسپانسیونیست سیستمین محصولودور. دیگر اؤلکه‌لره اؤز مستملکه‌سی کیمی یاناشیر. بو گون او، دهشتلی سوسیال، اقتصادی و سیاسی پروبلملر یاشاییر"، - دئییب.

خاطرلاداق کی، آمریکا پرزیدنتی دونالد ترامپ داها اول لاتین آمریکاسی نارکوتیک کارتلری ایله مباریزه اوچون اوردودان استفادنین آرتیریلماسی باره‌ده سرانجام امضالاییب.
آوگوستون ۸-ده آمریکا حکومتی ونزوئلا پرزیدنتی نیکولاس مادورونون حبسینه و یا محاکیمه اولونماسینا سبب اولاجاق معلوماتلارا گؤره مکافاتی ۲۵ میلیون دلاردان ۵۰ میلیون دلارا یوکسلتدیینی آچیقلاییب.

۲۹ آوگوست‌دا ایسه آمریکا لاتین آمریکاسی نارکوتیک کارتلرینه قارشی مبارزه چرچیوه‌سینده کاریب دنیزی و ساکت اوکیانا سککیز حربی گمی گؤندریب. ونزوئلا پرزیدنتی نیکولاس مادورو بو قرارا جواب اولاراق «هئچ کیم ونزوئلا اراضی‌سینه توخونماغا جسارت ائتمه‌مه‌لیدیر» دئییب.