فرانسا سلاحلی قوه‌لر ناظرلیینین پارلامنته تقدیم ائتدیی حساباتا گؤره، ۲۰۲۳-۲۰۲۴-جو ایللرده ارمنستان فرانسا ایله ۲۷۴ میلیون آورودان چوخ دیرینده سلاح تجهیزاتی مقاوله‌لری امضالاییب.

Axar.az خبر وئریر کی، بو باره‌ده «رادیو فری اوروپه» معلومات یاییب.

«مدافعه ساحه‌سین‌ده امکداشلیغین شاخه‌لندیریلمه‌سی چرچیوه‌سینده ارمنستان حربی امکانلارینی گوجلندیرمک و اهالینین تهلوکسیزلیینی تعمین ائتمک اوچون فرانسایا مراجعت ائتمک قرارینا گلیب. یئنی آوادانلیقلارین اخراجی، حربی تعلیملرین و بیرگه عملیاتلارین کئچیریلمه‌سی صرف مدافعه کاراکتری داشیییر. ۲۰۲۳-جو ایلده ایروان‌دا فرانسا مدافعه میسیاسینین یارادیلماسی ارمنی طرفداشلاری ایله داها سیخ علاقه‌لر قورماغا و ان یاخشی امکداشلیق فورمالارینی معین ائتمه‌یه امکان وئریر»، - حسابات‌دا دئییلیر.

حسابات‌دا همچینین بیلدیریلیر کی، فرانسا ارمنستانی «سزار» اؤزویئرییه‌ن هاوبیتسالاری، ائلجه ده اونلار اوچون ۱۵ تانک علیهینه راکت و بوراخیلیش قورغوسو ایله تجهیز ائدیر.

قید اولونور کی، ۲۰۲۲-جی ایله قدر فرانسا ارمنستانا دئمک اولار کی، هئچ بیر سلاح وئرمه‌سه ده، ۲۰۲۳-۲۰۲۴-جو ایللرده قورو قوشونلارینین تجهیزاتی اوچون چوخسایلی مقاویله امضالانیب.