خارجی ایشلر ناظری عباس عراقچینین تبریزه سفری و ایالت والی‌لیین‌ده ایش آداملاری ایله کئچیردیی گؤروش زمانی اوندان آذربایجان رسپوبلیکاسیندا یاشایان ایران‌لیلارین یاشاییش کارتلارینین مدتینین اوزادیلماسی پروبلمینین دقتده ساخلانیلماسی و حل ائدیلمه‌سی ایسته‌نیلیب.

Axar.az خبر وئریر کی، بونو تبریز تجارت پالاتاسینین آذربایجان شعبه‌سینین کاتیبی محمد علی نجاری دئییب.

"یئنی میقراسیا قانونلارینا گؤره، آذربایجان رسپوبلیکاسین‌دا اقتصادی فعالیته اساساًیندا یاشاییش کارتی آلان خاریجی وطنداشلار کاپیتاللارینی ۵۰.۰۰۰ مانات آرتیرمالیدیرلار، بو دا اونلارین شیرکتین تاسیس سندلرینده دییشیکلیک ائتمه‌لرینه و یاشاییش اجازه‌سی آلمالارینا پراکتیک اولاراق مانع اولور"،- او بیلدیریب.

نجاری، بو پروبلمی خاریجی ایشلر ناظرلیینین آذربایجان رسپوبلیکاسینین حاکمیت اورگانلاری ایله امکداشلیق چرچیوه‌سینده حل ائتمه‌سینین واجیبلیینی وورغولایاییب:

"نوتاریات کونتورلاریندا آذربایجان و یا خاریجی آلیجیلار طرفیندن رسمی اولاراق ساتیلان شرکتلرله باغلی دییشیکلیکلرین شرکتلرین قیدیات اوفیسینده قیدیاتا آلینماماسی، ایرانین آذربایجان رسپوبلیکاسین‌داکی اقتصادی فعاللارینین اوزلشدیی اساس پروبلملردن بیریدیر".

تبریز تجارت پالاتاسینین نماینده‌سی، شرقی آذربایجان ایالتینین ایرانین تعینات اؤلکه‌لری، خصوصاً ده قونشو اؤلکه‌لر و آذربایجان رسپوبلیکاسی ایله اقتصادی علاقه‌لرینین گئنیشلندیریلمه‌سینین ضروریلیینه توخونوب و آذربایجان رسپوبلیکاسی ایله قورو سرحدلرین آچیلماسینین علاقه‌لری انکشاف ائتدیریلمه‌سین‌ده واجیب مسئله اولدوغونو سؤیله‌ییب.

نجاری بیلدیریب کی، خارجی ایشلر ناظریندان آذربایجان رسپوبلیکاسینا سفر ائد‌ن ایران وطنداشلاری اوچون ویزالارین وئریلمه‌سینین آسانلاشدیریلماسی، او جمله‌دن هاوا لیمانی ویزالارینین وئریلمه‌سی ایستیقامتین‌ده ایش گؤرولمه‌سینی ایسته‌ییبلر.

او همچینین بیلدیریب کی، شرقی آذربایجان‌داکی تکنیکی و مهندس‌لیک شیرکتلرینه آذربایجان رسپوبلیکاسین‌داکی لایحه‌لرده اشتراک ائتمک اوچون لازیمی امکانلار وئریلمه‌لیدیر.

محمد علی نجاری آذربایجان رسپوبلیکاسین‌دا ایران‌لی ایش آداملارینا محدودیتلرین تطبیق اولوندوغونو دئییب و خاریجی ایشلر ناظرلییندن بونونلا باغلی تدبیر گؤرولمه‌سینی طلب ائدیب.

"تبریزده اؤلکه‌میزین خاریجی ایشلر ناظری ایله گؤروشوموزده بو ناظرلیکدن آذربایجان رسپوبلیکاسیندا ایران وطنداشلاری، ایش آداملاری و شرکت تاسیس‌چیلرینه بانک حسابلارینین آچیلماماسی، اونلارین بانک حسابلارینین بلوکلانماسی، ایران وطنداشلاری اوچون اقتصادی کدلارین وئریلمه‌مه‌سی و ایران وطنداشلاری اوچون یئنی شرکتلرین قیدیاتا آلینماماسی کیمی مسئله‌لر مذاکره اولوندو".

او، آذربایجان رسپوبلیکاسین‌دا ۳۰۰ ایران وطنداشینین حبس‌ده اولدوغونو سؤیله‌ییب و ایران خاریجی ایشلر ناظریندن اونلارین اؤلکه‌یه قایتاریلماسینی دا خواهیش ائتدیکلرینی بیلدیریب.

قید ائدک کی، آذربایجان رسپوبلیکاسین‌دا ایران وطنداشلاری و ایش آداملارینا تطبیق ائدیله‌ن بعضی محدودیتلر ایران حکومتینه قارشی بین‌الخالق سانکسیالار چرچیوه‌سینده‌دیر.