اوکتیابرین اولیندن بو یانا ایرانین ۱۹ ایالتینده بیر دامجی بئله یاغیش قیده آلینماییب. بو وضعیت اؤلکه اوزره اوزون‌مدتلی اورتا یاغینتی گؤستریجیلرینده ۷۵ فایز آزالما دئمکدیر.

Axar.az خبر وئریر کی، بو باره‌ده «فارس» خبر آگنتلیی معلومات وئریب.

خبرده سون اوچ ایلده اوکتیابر و نویابر آیلارینین دئمک اولار کی، «یای موسومونه» چئوریلدیی و بو دؤورده اؤلکه اوزره یاغینتی مقداری کسکین آزالدیغی قید اولونوب.

انرگتیکا ناظیرلیینین داها اول تقدیم ائتدیی حسابات‌دا تهران، مرکزی، کرمانشاه، خوزستان، فارس، کرمان، خراسان رضوی، اصفهان، سیستان و بلوچستان، کوردوستان، همدان، چهارمحال و بختیاری، لرستان، ایلام، کهگلویه و بویراحمد، بوشهر، زنجان، یزد، هرمزگان، قم و جنوبی خراسان ایالتلرینده جاری ایلینین اولیندن بری یاغینتیلارین اوزون‌مدتلی اورتا گؤستریجیلرله مقایسه‌ده ۱۰۰ فایز آزالدیغی، یعنی هئچ بیر یاغیش یاغمادیغی بیلدیریلیب.