نویابرین ۳-ده استانبول‌دا تورکیه‌نین خارجی ایشلر ناظیرلیینین ائو صاحبلیی ایله اسرائیل و فلسطین آراسین‌داکی گرگینلیین حلی استقامتینده توپلانتی کئچیریلیب.

Axar.az خبر وئریر کی، اجلاس تورکیه، بیرلشمیش عرب امیرلیکلری، ایندونزیا، قطر، پاکیستان، سعودیه عربیستانی و اردنون خارجی ایشلر ناظیرلرینین اشتراکی ایله باش توتوب.

توپلانتی‌دا اسرائیل و فلسطین آراسین‌دا الده اولونان آتشکسین داواملی صلحه چئوریلمه‌سی استقامتین‌ده مسلمان اؤلکه‌لرینین کووردیناسییالی شکل‌ده حرکت ائتمه‌سینین اهمیتی کیمی مسئله‌لر اطرافین‌دا فکر مبادله‌لری آپاریلیب، بیرلشمیش ملتلر تشکیلاتی پلاتفورمالارین‌دا آتیلاجاق آددیملارا دایر مصلحتلشمه‌لرین و سیخ کووردیناسییانین داوام ائتدیریلمه‌سینین اؤنمی وورغولانیب.