حاضردا آمریکا حساب ائدیر کی، اوکراینا ایله روسیا آراسین‌دا تام آتشکس یالنیز چرچیوه سازشینین امضالانماسین‌دان سونرا ممکون‌دور. بونونلا بئله، واشینگتن آیری-آیریلیق‌دا انرژی آتشکسینی نظردن کئچیرمیر.

Axar.az خبر وئریر کی، بونو اوکراینا پرزیدنتی ولادیمیر زلنسکی ژورنالیستلرله گؤروشو زمانی دئییب.

"آمریکا بیرلشمیش اشتاتلاری روسیا طرفی ایله دفعه‌لرله دانیشیقلار آپاردیقدان سونرا حساب ائدیر کی، تام آتشکس یالنیز چرچیوه سازشینین امضالانماسی ایله باش وئره بیلر. منیم فکریمجه، هئچ کیمه سر دئییل کی، هئچ بیر راضیلاشما اولماسا، روسلار یالنیز انرژی آتشکسی ایله راضیلاشمایاجاق"، - دئیه زلنسکی بیلدیریب.

زلنسکی، همچنین قید ائدیب کی، اوکراینانین موقعیی دییشمه‌ییب، تام آتشکس واجبدیر.

انرژی و دنیز آتشکسی احتمالینی شرح ائد‌ن زلنسکی تورکیه‌نین بئله بیر پلان اوزرینده ایشله‌دیینی دئییب.