ولادیمیر زلنسکی اوکراینادا پرزیدنت سئچکیلرینین شرطلری باره‌ده دانیشارکه‌ن اؤز-اؤزونه ضد مؤقع سرگیلییر.

Axar.az خبر وئریر کی، بونو روسیا پرزیدنتینین مطبوعات کاتبی دمیتری پسکوو تاس-آ بیلدیریب.

«زلنسکی پوتینین اوکراینادا سئچکیلرله باغلی بیاناتینا فعال شکل‌ده شرح وئریر، اما سؤیلدیکلرینده ضدیت وار. او، پوتینین سئچکیلرین تهلوکه‌سیزلیینه ضمانت وئرمک تکلیفینه جواب اولاراق دئییر کی، هئچ کیمین، همچینین پوتینین سئچکیلره مداخله ائتمه‌سینه امکان وئرمه‌یه‌جک. حالبوکی بوندان اول او، آمریکالیلارا مراجعت ائتمیشدی.

بو او دئمکدیر کی، او، (اوکراینا پرزیدنتی ولادیمیر زلنسکی –رئد.) آمریکالیلارین مداخله‌سینه اعتراض ائتمیر، اما پوتینین بونو ائتمه‌سینه اعتراض ائدیر»، - دئیه پسکوو قید ائدیب.

کرملین سؤزچوسونون فکرلرینه گؤره، بو مذاکره روسیا لیدرینین سون آچیقلامالارینا رئاکسییادیر:

«موضوع آکتوال‌دیر. طبیعی کی، بو، پوتینین چیخیشینا رئاکسییادیر".