سون ۲ هفته عرضین‌ده اوکراینا سلاحلی قوه‌لری روسیا اراضی‌سینده یئرلشن ایستراتژی اوبیکتلره ضربه‌لرین یئنی سئریاسینا استارت وئریب. بو ضربه‌لرین اؤنجه‌کی‌لردن فرقی اوندادیر کی، روسیانین «کؤلگه دونانماسی» دا هدفه آلینیب و قارا دنیزده گمیلرله یاناشی، آرالیق دنیزینده ده تانکره اونیکال ضربه ائندیریلیب.

Axar.az خبر وئریر کی، بو سؤزلری پولیتولوگ کامران جفروو قید ائدیب.

او خاطرلادیب کی، خزر دنیزینده روسیایا مخصوص نفت یاتاغی پلاتفورماسینا دا ضربه ائندیریلیب:

«گؤرونه‌ن اودور کی، روسلار بو ضربه‌لره هئچ حاضر دئییل‌دیلر و اوکراینا حربی رهبرلیین‌ده یئنی «ضربه بؤلگوسو»نون رولو وار. اگر بو گونه قدر خزر دنیزینده روسلارین نفت یاتاقلاری پلاتفورمالارینا اوکراینا تهلوکه‌سیزلیک خدمتی ضربه‌لر ائندیریردیسه، سون ضربه‌لری اوکراینا خصوصی عملیاتلار قوه‌لری ائندیردی. اگر بو گونه قدر کریما ضربه‌لر حربی کشفیاتین (بودانووون رهبرلیک ائتدیی قوروم) «ضربه بؤلگوسو» زوناسیندا ایدیسه، سون ضربه‌لری (۱۸ و ۲۰ دکابردا، بلبک آیرودرومونا) اوکراینا تهلوکه‌سیزلیک خدمتی ائندیردی».

پولیتولوگون فیکرینجه، سون گونلرده روسییانین تورکییه‌یه قارشی تخریباتلارین‌دا خرونولوگییایا دقت یئتیرمک لازیم‌دیر:

«۲۸ نویابردا اوکراینا تهلوکه‌سیزلیک خدمتی قارا دنیزده ترکیه‌نین دنیز سرحدلرین‌دن ۱۲۰ کم مسافه‌ده روسیایا مخصوص ۲ تانکره ضربه ائندیریب، ۱۰ دکابردا روسییانین قارا دنیزده داها بیر تانکری وورول‌دو. ۱۲ دکابردا روسلار ترکیه‌نین تیجارت گمی‌سینی ووردولار. سون ۲ گون عرضین‌ده ایسه روسییایا مخصوص درونلار ترکیه هاوا مکانینا داخیل اولورلار.

گؤردویونوز کیمی، روسیا ترکیه‌یه قارشی تضییقلره اوکراینانین ۱۰ دکابر ضربه‌لرین‌دن درحال سونرا باشلادی. ترکیه بو مسئله‌یه چوخ فورمال شکیل‌ده ناراحات‌لیغینی ایفاده ائدیب، یعنی جدی هئچ بیر اعتراض اورتایا قویمادی و گؤرونه‌ن اودور کی، روسیا بون‌دان غضبلندی.

روسیا ایسه نسه اونو قیجیقلاندیراندا، عادته‌ن مئساژ وئرمک اوچون ترور کاراکترلی هیبرید هجوملارا ال آتیر. محض بونا گؤره ده سون دورلر روسیا درونلاری داها تئز-تئز ترکیه اراضی‌سینه داخل اولور و ترکیه اونلاری الکترون مبارزه واسطه‌لری ایله ضررسیزلشدیریر.

عینی زمان‌دا قید ائتملیییک کی، «کؤلگه دونانماسی»نا مخصوص تانکرلر سون هجوملاردان سونرا نوووروسیسکه گئدیب-گلن مارشروتلارینی قارا دنیزده دییشیبلر. ایندی بو تانکرلر قارا دنیزی بیرباشا کئچمکدنسه، ترکیه ساحللرینه داها یاخین حرکت ائتمه‌یه اوستونلوک وئریرلر و بعضا حتی ترکیه‌نین اراضی سولارینا داخل اولورلار».