ملی آزادلیق حرکاتینین لیدرلریندن بیری، آذربایجانین اکس-پرزیدنتی ابولفضل ائلچی‌بیی هامی اصله‌ن ناخچیوان‌لی کیمی تانیییر. رسمی سندلره گؤره، ابولفضل علیئو (ائلچیبی) ۱۹۳۸-جی ایلین ۲۴ ایونوندا ناخچیوانین اوردوباد رایونونون کلکی کندینده آنادان اولوب. اورتا مکتبی ده اوردوباددا بیتیریب.

اما چوخلارینین ناخچیوان‌لی اولاراق تانیدیغی ابولفضل ائلچیبی اصلن مختار رسپوبلیکادان دئییلمیش.

Axar.az خبر وئریر کی، ائلچیبیین قارداشی اوغلو حرو علیئو اصلن ناخچیوان‌لی اولمادیقلارینی تصدیقله‌ییب. او بیلدیریب کی، ابولفضل ائلچیبیین هم آنا، هم ده آتا طرفی فرق‌لی بؤلگه‌لردندیر:

«آنا طرفیمیز غربی آذربایجان‌دان - قافان رایونونون پیرداودان کندیندن‌دیر. اونلار کئچن عصرین اوللرینده - ۱۹۱۵-جی ایللرده غربی آذربایجان‌دان اوردوبادین کلکی کندینه کؤچوبلر. بورادا دا ننه‌مله بابام عائله حیاتی قوروب».

حرو علیئو آتا طرفدن گونئی آذربایجان‌دان - اردبیل‌دن اولدوقلارینی قید ائدیب:

«بیزیم آتا طرفدن سویوموز گونئی آذربایجان‌داندیر. کؤکوموز اردبیل‌دن‌دیر. آتا بابالاریمیز اولجه اردبیلدن خویون زونوز کندینه، اورادان دا ناخچیوانین کلکی کندینه کؤچوبلر. آتا سویوموز صفویلر طریقتینین اساسینی قویان شیخ صفی الدین اردبیلینینین خلفلریندندیر. بیزیم اولو بابامیز شیخ صدرالدین‌دیر. ۵۰۰ ایللیک سوی شجره‌میزین رسمی دری اوزرینده عربجه یازیلمیش فورماسی بو دقیقه ابولفض ائلچیبیین ائو موزئیین‌ده ساخلانیلیر.

من اؤزوم ده سویوموزلا ماراقلانیردیم کی، ابولفضل ائلچیبی کیمی غیری-عادی آدام نئجه یئتیشیب... ائلچیبی سید نسلیندن‌دیر. لاکین بیز سید نسلیندن اولدوغوموزو گؤسترن «میر» سؤزؤنونو گؤتورممیشیک».