ایرانین عالی دینی لیدرینین خارجی سیاست مسئله‌لری اوزره مشاوری علی اکبر ولایتی ارمنیستانین تهران‌داکی سفیری ایله گؤروشده زنگزور دهلیزینه قارشی مؤوقعیینی یئنی‌دن تکرارلاییب. او، «ترامپ مارشروتو»نون زنگزور دهلیزی ایله عینی اولدوغونو و تهرانین بونا قارشی چیخدیغینی بیلدیریب.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

او بیلدیریب کی، ولایتی «تهران زنگزور دهلیزینه قارشی‌دیر» دئسه ده، ایران پرزیدنتی مسعود پزشکیان و خارجی ایشلر ناظیری عباس عراقچی زنگزور دهلیزینین علیه‌اینه دئییللر:

«بونا باخمایاراق، ولایتینین آچیقلاماسین‌دان بیر داها آنلاشیلیر کی، ایران‌دا مختلف مسئله‌لره اولدوغو کیمی، زنگزور دهلیزینه باخیش‌دا دا حاکم قوه‌لرین ایکی فرقلی مؤوقعیی وار. ولایتینین سیماسیندا ایسه محافظه‌کارلار مسعود پزشکیانلا عکس فکرددیرلر.

محافظه‌کارلارین زنگزور دهلیزینین علیه‌اینه اولمالاری موجود رئاللیغی دییشمیر. دهلیزین انشاسی داوام ائدیر و ارمنیستان‌دا فوق‌العاده حادثه باش وئرمه‌سه، «ترامپ یولو» اوزاقباشی ۲۰۲۸-جی ایلین سونلارینا قدر ایشه دوشه‌جک. مسئله‌نین ماراقلی طرفی باشقادیر. ارمنیستان خارجی ایشلر ناظیرلیی ایران‌داکی محافظه‌کارلارین، او جمله‌دن ولایتینین زنگزور دهلیزی علیه‌اینه اولدوغونو بیلدیی حال‌دا، سفیرینی نیه اونونلا گؤروشه گؤندریب؟ ممکون‌دور کی، ولایتی سفیرله گؤروشمک ایسته‌ییب و ارمنی دیپلمات واسطه‌سیله باش ناظیر نیکول پاشینیانا خبردارلیق مساژی گؤندریب. ولایتی عینی مساژی آذربایجان سفیری واسطه‌سیله باکییا گؤندره بیلمز. چونکی آذربایجانین ایران‌داکی سفیری باکینین تعلیماتی اولمادان ولایتی ایله گؤروشمز. بئله بیر تعلیماتا ایسه احتیاج یوخ‌دور».