سوسیال مئدیادا مشهور سیمالاردان بیری کیمی تانینان ایران‌لی بلوگر آناهیتا ناچو ۳۸۸ کوسمتیک عملیات کئچیردیینی دئییب.

Axar.az خبر وئریر کی، او، بو باره‌ده آیدین زوارینین یوتوب کانالینا وئردیی مصاحبه‌ده دانیشیب.

ناچو گینسین رکوردلار کیتابینا دوشدویونو و «دنیانین ان نازیک بلی»نه صاحب اولدوغونو آچیقلاییب.

ناچو بیلدیریب کی، کوسمتیک پروسدورلارا سئوگیلی‌سینین خواهشی ایله باشلاییب و حاضردا هر آی اوزونون کونجلرینه و یاناقلارینا ۵۰ کوب سانتیمتر گل وورولماسینا مجبور قالیر.

متخصصلر ایسه «اکسترمال» کوسمتیک مداخله‌لرین جدی ریسکلر داشیدیغینا دقت چکیرلر. حکیملرین خبردارلیغینا گؤره، بو جور پروسدورلار توخومالارین زده‌له‌نمه‌سی، سینیر زده‌لری و داواملی باکتریال اینفکسیالار دا داخل اولماقلا آغیر فسادلارا یول آچا بیلر.

مصاحبه رگیونال مئدیادا گئنیش رزونانس دوغوروب.