رمضان کادیرووون دکابرین ۲۵-نه کئچه‌ن گئجه مسکوادا تعجیلی خسته‌خانایا یئرلشدیریلدیی بیلدیریلیر.

Axar.az خبر وئریر کی، بو باره‌ده «نووایا گازئتا» نشری منبع‌یه استناداً معلومات یاییب.

نشرین یازدیغینا گؤره، کادیروو دکابرین ۲۴-ده مسکوایا گلیب، بورادا ولادیمیر پوتینین و رگیون رهبرلرینین اشتراکی ایله کئچیریلمه‌سی پلانلاشدیریلان دولت شوراسینین اجلاسین‌دا اشتراک ائتمک ایسته‌ییب. لاکین صحتینین قفیل پیسلشمه‌سی سببین‌دن او، پرزیدنت آدمینیستراسییاسینین تابعلیین‌ده اولان مرکزی کلینیک خسته‌خاناسینا چاتدیریلیب.

منبع‌نین ادعاسینا گؤره، مسکوادا اونو گوجله خلاص ائده بیلیبلر، بوندان سونرا ایسه کادیروو ائوینه قاییدیب و همین واختدان بری اجتماعیت قارشی‌سیندا گؤرونمه‌ییب.

قید اولونور کی، ۲۰۲۶-جی ایلده رسپوبلیکادا رگیون رهبرینین سئچکیلری کئچیریلمه‌لیدیر. کادیرووون بو سئچکیلرده اشتراک ائده بیلمه‌مه‌سی حالیندا، مسکوادا ممکن واریثلرله باغلی هر هانسی غیری-رسمی و یا قاپالی دانیشیقلار آپاریلمایاجاق.