آذربایجانین تورکیه‌ده‌کی سفیرلیینین نزدینده‌کی آذربایجان مدنیت مرکزینین «تورکیه‌ده تانینمیش آذربایجان‌لیلارین ایزی ایله» لاییحه‌سی چرچیوه‌سینده آذربایجان–تورکیه اجتماعی فکر تاریخینین اؤنم‌لی سیمالاریندان اولان احمد بی آغااوغلو حاقین‌دا آراشدیرما و نشر لاییحه‌سی حیاتا کئچیریلیب.

مرکزدن Kult.az-آ وئریله‌ن معلوماتا گؤره، لاییحه چرچیوه‌سینده احمد بی آغااوغلونون ایندیه‌دک آراشدیریلمایان و چاپ اولونمایان علمی-ادبی مقاله‌لری، خاطره‌لری، مموارلاری، گونده‌لیک قیدلری، اونونلا باغلی مصاحبه‌لر و آرخیو ماتریاللاری اساسین‌دا «دوغو ایله باتی آراسین‌دا بیر متفکر: احمت آغااوغلو» آدلی کتاب تورکیه تورکجه‌سینده نشر ائدیلیب.

کیتابی نشره آذربایجانلی تاریخ‌چی و آراشدیرماچی، دوسنت دیلقم احمد حاضرلاییب.

نشرده احمد بی آغااوغلونون شخصی آرخیویندن سندلر و فوتوشکیللر ده ایلک دفعه اوخوجولارا تقدیم اولونوب.

کتابین تورکیه‌ده‌کی اونیورسیتتلرده گئنیش تقدیماتینین کئچیریلمه‌سی، ائلجه ده آپاریجی عالی مکتبلره و کتابخانالارا هدیه اولونماسی نظرده توتولور.