بیر نئچه گوندور کی، فیلتر سیندیران پروگرام گونده یاریم ساعتدان بیر ساعتا قدر ایشلییر و اینترنته قوشولوروق. حیاتدا اولدوغوموزو بیلدیریریک. شهر اؤلوم قوخوسو وئریر، حیاتیم بویو تهران‌دا قار یاغدیغی زمان کیمسه‌نین ایندیکی کیمی کدرلی اولدوغونو گؤرممیشدیم.

Axar.az خبر وئریر کی، بونو ایران‌دا ایکی گون اول نشری قاداغان ائدیلن "هم میهن" قزئتینین امکداشی الاهه محمدی اؤزونو ایکس صحیفه‌سینده یازیب.

«بوتون بو گونلر عرضین‌ده اؤلنلر و یارالانانلار حاقین‌دا یازماغا چالیشدیق. ملیکشاهی‌دن، بهشت زهرادان، کهریزاک‌دن و یاخینلارینین جسدلرینی گؤزله‌یه‌نلردن، فلاکتین شاهیدی اولان خسته‌خانالاردان، طب باجیلاریندان و گؤز یاشی تؤکه‌رک اللریندن گلنی ائتمه‌یه چالیشان حکیملردن یازماق ایستدیک»،- او علاوه ائدیب.

محمدی پایلاشیمیندا اؤلکه‌ده تؤره‌دیله‌ن قیرغینلاری و وطنداشلارین دورومونو بدیعی شکیلده تصویر ائدیب:

"چتین گونلر اولدو، هامی شوکا دوشوب؛ بیر اؤلکه یاس توتوب، بیر اؤلکه غضبلی‌دیر، بیر اؤلکه‌نین اوریی قیریلیب.»

قید ائدک کی، "هم میهن" قزئتینین نشری اؤلکه‌ده باش وئرن اعتراض آکسیالاری و حکومت قوه‌لرینین تؤرتدیی قتل عاملار، خصوصاً خسته‌خانالارا هجوملاری ایله باغلی یایدیغی ماتریالا گؤره ایکی گون اول قاداغان ائدیلیب.