دولت استاتیستیکا کمیته‌سی توریزمین موجود وضعیتی حاقین‌دا معلوماتلاری آچیقلاییب. قید ائدیلیب کی، ۲۰۲۴-جو ایلله مقایسه‌ده خارجی اؤلکه‌لره گئدن آذربایجان رسپوبلیکاسی وطنداشلارینین عمومی سایی ۲،۳ فایز آزالاراق ۲ میلیون ۱۰۹،۹ مین نفر اولوب. گورجوستانا گئدن آذربایجان وطنداشلارینین سایی ۲۰،۴ فایز، ایرانا گئدنلرین سایی ۹،۲ فایز آرتیب، روسیایا گئدنلرین سایی ۳۱،۵ فایز، تورکیه‌یه گئدنلرین سایی ایسه ۱،۶ فایز آزالیب. آذربایجان وطنداشلارینین ۴۱،۲ فایزی تورکیه‌یه، ۱۴،۵ فایزی روسیایا، ۱۰،۷ فایزی گورجوستانا، ۹،۷ فایزی ایرانا، ۲۳،۹ فایزی دیگر اؤلکه‌لره سفر ائدیب. گئدنلرین ۶۳،۵ فایزی کیشی، ۳۶،۵ فایزی ایسه قادین‌دیر.

Axar.az خبر وئریر کی، ملت وکیلی جیحون ممدوو مصاحبه‌سینده آچیقلانان رقملرین جدی رقملر اولدوغونو دقته چاتدیریب.

اونون سؤزلرینه گؤره، بو گون طیاره واسطه‌سیله ایرانا سفر ائد‌نلر چوخ‌دور:

«وطنداشلارین بیر قیسمی گورجوستانا، اورادان دا تورکیه واسطه‌سیله ایرانا سفر ائتمه‌یه داوام ائدیرلر. سفر ائد‌نلر آراسین‌دا معالجه اوچون گئدنلر آزلیق تشکیل ائدیر. اولکی ایللرله مقایسه‌ده صرف معالجه مقصدیله ایرانا گئدنلرین سایی او قدر ده چوخ دئییل. حساب ائدیرم کی، استاتیستیکادا کربه‌لا زیارتینه گئدنلر اوستونلوک تشکیل ائدیر. قورو سرحدلر باغلی اولسا دا، ایرانا زیارته گئدنلرین بیر قسمی سیاهتی اؤز حسابینا، بیر قیسمی ایسه معین خیرییه تشکیلاتلارینین واسطه‌سیله حیاتا کئچیریر. فکریمجه، استاتیستیکا جدی تحلیل اولونمالی‌دیر».